རྒྱ་གར་གྱིས་འཇིགས་སྐུལ་དྲག་སྤྱོད་འགོག་ཐབས་ཀྱི་ལས་འཆར།

༄༅༎རྒྱ་གར་གྱི་གྲོང་ཁྱེར་མུམ་སྦའེ་ནང་འཇིགས་སྐུལ་དྲག་སྤྱོད་པས་གཏོར་རྒོལ་གྱི་དོན་རྐྱེན་བྱུང་བའི་རྗེས་རྒྱ་གར་གཞུང་གིས་བདེ་སྲུང་ཚགས་ཚུད་གཏོང་ཆེད་ཨ་སྒོར་ཐེར་འབུམ་གཅིག་ཙམ་གནས་པའི་གོ་མཚོན་དང་མི་མེད་པའི་ས་སྲུང་རྟོགས་ཞིབ་འཕྲུལ་ཆས་སོགས་གསར་བཟོ་གང་མྱུར་གནང་རྒྱུ་ཡིན་ལུགས་རྒྱ་གར་གྱི་བདེ་སྲུང་ཉམས་ཞིབ་དང་ཡར་རྒྱས་ལས་དོན་ཁང་གིས་དེ་རིང་གསུང་བཞག དེ་ཡང་བདེ་སྲུང་དང་འབྲེལ་བའི་ལས་འཆར་དེའི་ནང་འདི་ལོའི་ཕྱི་ཟླ་བཅུ་གཉིས་པའི་གོང་དམག་འཐབ་ཐང་སྒ་རི་༡༢༤ཙམ་གསར་བཟོ་གནང་རྒྱུ་དང་དེ་བཞིན་རྒྱ་གར་རང་ནས་བཟོས་པའི་དམག་འཐབ་གནམ་གྲུ་བཟོ་ཐེངས་དང་པོ་དེ་མཚོ་དམག་དམག་མིར་འདི་ལོའི་ལོ་མཇུག་གོང་གནང་ཐུབ་པ་གནང་རྒྱུ་དང་མི་མེད་ས་སྲུང་འཕྲུལ་འཁོར་གསར་བཟོས་ཀྱིས་ས་མཚམས་ཀྱི་ས་སྲུང་སྐྱོབ་སྔར་ལྷག་གནང་ཐུབ་པ་གནང་རྒྱུའི་འཆར་གཞི་ཡོད་འདུག ལས་འཆར་དེ་རྣམས་དུས་ཐོག་ཚར་ཐུབ་པ་དགོས་པའི་གནོན་ཤུགས་ཡོང་མུས་ལ་དུས་ཐོག་ཚར་ནས་འབྲེལ་ཡོད་ལ་མཁོ་སྤྲོད་ཐུབ་པ་གནང་སྟེ་བདེ་སྲུང་གི་ཉེན་ཁ་རྣམས་འགོག་ཐབས་གནང་ཐུབ་པ་གནང་རྒྱུ་ཡིན་ལུགས་རྒྱ་གར་གྱི་བདེ་སྲུང་ཉམས་ཞིབ་དང་ཡར་རྒྱས་ལས་དོན་ཁང་གི་མགྲིན་ཚབ་པ་སུ་རན་ཇན་པལ་ཡིས་གསུང་བཞག།