བཀའ་ཁྲི་མཆོག་གི་ཨོ་སེ་ཌི་ལིའི་མཛད་འཕྲིན།

བདུན་ཕྲག་གཅིག་ཙམ་རིང་བཀའ་བློན་ཁྲི་པ་བློ་བཟང་སེང་གེ་མཆོག་ཨོ་སེ་ཀྲེ་ལི་ཡའི་གྲོང་ཁྱེར་འགའ་ཤས་ནང་འཚམས་འདྲི་གཟིགས་བསྐོར་གནང་ཡོད་པ་དང་། ལྷག་པར་དུ་ཡུལ་དེའི་གྲོས་ཚོགས་འཐུས་མི་མང་པོ་ཞིག་དང་མཇལ་འཕྲད་ཀྱིས་བོད་ཀྱི་ད་ལྟའི་ཛ་དྲག་གནས་སྟངས་སོགས་འགྲེལ་བཤད་གནང་ཐུབ་པ་བྱུང་ཡོད་རེད་ལ་ཁོང་རྣམས་ནས་ཀྱང་བོད་དོན་ཐོག་སྔར་ལྷག་མཐུན་འགྱུར་རོགས་རམ་གནང་རྒྱུའི་ཞལ་བཞེས་ཀྱང་གནང་ཡོད་པ་རེད། དེ་དང་ཕྱོགས་མཚུངས་བཀའ་བློན་ཁྲི་པ་མཆོག་གྲོང་ཁྱེར་དེ་དག་ནང་ཡོད་པའི་བོད་མི་ཚོ་དང་ཡང་མཇལ་གནང་ནས་བཙན་བྱོལ་བོད་མིའི་སྒྲིག་འཛུགས་ཀྱི་སྲིད་བྱུས་དང་འཛིན་སྐྱོང་གནང་ཕྱོགས་སོགས་ཀྱང་སྐོར་ཡང་ངོ་སྤྲོད་དང་། མང་ཚོགས་ནས་འདྲི་བ་ཁག་ལ་བཀའ་ལན་གནང་བ་སོགས་ཀྱི་ལས་རིམ་མང་པོ་ཞིག་ཀྱང་གོ་སྒྲིག་གནང་ཡོད་པ་རེད། འདས་པའི་རེས་གཟའ་པ་སངས་ཉིན་མང་གཙོ་དང་། ནང་ཆོས། ཨེ་ཤ་ཡའི་མ་འོངས་ཞེས་པའི་བརྗོད་གཞིའི་ཐོག་གསུངས་བཤད་གནང་ཡོད་པ་དང་། ཚོགས་འདུར་བཅར་མཁན་ཚོའི་འདྲི་བར་ལན་འདེབས་གནང་ཡོད་པ་རེད། ཡང་གསུངས་བཤད་དེ་བཞིན་ཚོགས་བཅར་བ་ཙམ་མ་ཡིན་པར་དྲ་རྒྱའི་བརྒྱུད་ནས་ཀྱང་བཅར་འདྲི་ཞུ་རྒྱུའི་གོ་སྐབས་བསྐྲུན་ཡོད་པ་རེད། ཡང་གྲོས་ཚོགས་འཐུས་མི་ཁག་ཅིག་ནས་མཇལ་འཕྲད་གནང་ཡོད་ཀྱང་ཡུལ་དེའི་སྲིད་བློན་དང་། ཕྱི་སྲིད་བློན་ཆེན་རྣམ་གཉིས་ནས་མཇལ་འཕྲད་མ་གནང་བ་དེར་དགོངས་ཚུལ་བཀའ་འདྲི་ཞུ་དུས་བཀའ་ཁྲི་མཆོག་གིས། ཨོ་སེ་ཀྲེ་ལི་ཡས་ཚོས་བཤད་སྲོལ་ཡོད་པ་ལྟར། ཐུག་འདོད་ཡོད་མཁན་ཚོར་ཐུག་རྒྱུ་དང་། ཐུག་འདོད་མེད་མཁན་ཚོར་ཡང་འཁོན་སེམས་གང་ཡང་མེད་ལ་དེ་ནི་ནང་ཆོས་ཀྱི་ཐོག་ནས་བསམ་བློ་བཏང་བ་ཡིན་ནའི་གོ་སྐབས་སྤྲད་པ་ཡིན་ན་ང་ཚོས་ཐུག་འཕྲད་ཀྱིས་གྲོས་མོལ་བྱེད་ཀྱི་རེད་ཅེས་ཕྱོགས་ཕན་ཚུན་གཉིས་ཀའི་བསམ་ཚུལ་ཉན་ཐུབ་པ་ཡིན་ན་འོས་ཤིང་འཚམས་པ་ཡོང་གི་རེད་ཅེས་བཀའ་ལན་གནང་ཡོད་འདུག