རྒྱ་ནག་ནང་ས་ཡོམ་འོག་མི་༢༠༠༠༠ཙམ་རྐྱེན་ལམ་དུ་གྱུར་ཡོད་པ།

༄༅༎ཉེ་ཆར་རྒྱ་ནག་ནང་ས་ཡོམ་བརྒྱབས་ཡུལ་གྲོང་ཚོགས་གཅིག་ནང་ཁང་ཁུངས་ཚང་མ་རྩ་མེད་དུ་གྱུར་ནས་དེ་རིང་རེས་གཟའ་ལྷག་པའི་ཉིན་ཛ་དྲག་མྱུར་སྐྱོབས་ངལ་སེལ་ལས་དོན་སྤེལ་བཞིན་པ་རེད་ ས་ཡོམ་བྱུང་སའི་ས་ཁུལ་ནང་ད་ལྟ་དམག་མི་དང་ཉེན་རྟོག་མི་སྣའི་ཚོགས་སྡེ་ཁག་གནམ་གྲུའི་མཆོངས་གདུགས་ལ་བརྟེན་ནས་རིམ་བཞིན་ས་ཁུལ་དེའི་ནང་མཆོངས་ནས་མྱུར་སྐྱོབས་ཀྱི་ལས་དོན་སྤེལ་གནང་བཞིན་པ་མ་ཟད་གནམ་གྲུའི་ཐིོག་ནས་ས་གནས་དེའི་ནང་ཛ་དྲག་གིས་དགོས་མཁོ་ཁག་མཁོ་འདོན་གནང་བཞིན་ཡོད་པ་རེད་

ཡིན་ནའང་ས་ཡོམ་ཤུགས་ཚད་རིམ་པ་༧ཚགས་༨བརྒྱབ་པའི་རྗེས་དོན་རྐྱེན་བྱུང་སའི་རྒྱ་ནག་གི་ལྷོ་ནུབ་ཟི་ཁྲོན་ཞིང་ཆེན་གྱི་རི་བོའི་ཁུག་སྐྱོག་ཏུ་ཆགས་པའི་གྲོང་ཚོ་ཞིག་ཆ་ཚང་གཏོར་གཤིག་གྱུར་ཡོད་པ་རེད་ཅེས་གནས་ཚུལ་ནང་འཁོད་འདུག་

ད་བར་ས་ཡོམ་བྱུང་སའི་ས་ཁུལ་ནང་མི་གྲངས་༢༠༠༠༠ལྷག་ཙམ་རྐྱེན་ལམ་དུ་གྱུར་ཡོད་པ་དང་ཡིན་ནའི་ཚོུད་གཅིག་མ་འདས་པར་རིམ་བཞིན་གྲངས་ཚད་འཕར་བཞིན་ཡོད་ལུགས་བརྗོད་འདུག་

ད་རེས་རྒྱ་ནག་ནང་ས་ཡོམ་བྱུང་འཕྲལ་རྒྱ་ནག་གི་སྲིད་བློན་ཝེན་ཅ་བའོ་ས་གནས་ཕེབས་ཏེ་མྱུར་སྐྱོབས་ངལ་སེལ་གྱི་ལས་དོན་ལ་གཟིགས་སྐོར་གནང་ཡོད་པ་དང་ རིམ་པས་ད་ཆ་ས་ཁུལ་དེའི་ནང་དམག་མི་དང་ཉེན་རྟོག་མི་སྣ་སོགས་ནས་མྱུར་སྐྱོབས་ངལ་སེལ་གྱི་ལས་དོན་སྤེལ་གནང་བཞིན་ཡོད་པ་རེད་