ເຣື້ອງທີ່ເກັບບັນທຶກໄວ້
2023-11-30
ຄົບຮອບ 2 ປີ ພາຍຫຼັງທີ່ເປີດນຳໃຊ້ ເສັ້ນທາງຣົຖໄຟລາວ-ຈີນ ກໍມີທັງສິ່ງທີ່ກ້າວໜ້າຫຼາຍຢ່າງ ແບບຄ່ອຍເປັນຄ່ອຍໄປ ຄຽງຄູ່ກັບສິ່ງທ້າທາຍ ຫຼາຍປະການ ແລະ ບາງບັນຫາ ທີ່ຍັງຄ້າງຄາ.
2023-11-30
ຊາວກະສິກອນ ໃນແຂວງຊຽງຂວາງ ພົບບັນຫາພືດຜັກ ລົ້ນຕລາດ ຈຶ່ງຢາກໃຫ້ມີບ່ອນກະຈາຍສິນຄ້າ ໄປຕ່າງແຂວງສາເຫດນຶ່ງ ຍ້ອນວ່າສ່ວນຫຼາຍຊາວບ້ານ ປູກພືດຜັກ ຕາມຣະດູການ ໄວ້ກິນ ແລະໄວ້ຂາຍກັນເອງ, ຫຼາຍຄົນຈຶ່ງຢາກໃຫ້ ທາງການຊ່ອຍເຫຼືອຫາຕລາດ ແລະຊ່ອຍກະຈາຍສິນຄ້າ ໃຫ້ຫຼາຍຂຶ້ນ.
2023-11-30
ບໍຣິສັດ ຊີໂນ ອາກຣີ-ໂປຕາສຈໍາກັດ ຂອງຈີນ ທີ່ຂຸດຄົ້ນບໍ່ເກືອກາລີ ຫລື ໂປຕາສ ຢູ່ແຂວງຄໍາມ່ວນ ໄດ້ຮັບຣາງວັນລະດັບອາຊ້ຽນ 2 ຣາງວັນ ໃນກອງປະຊຸມ ສຸດຍອດຄັ້ງທີ 9 ຂອງຣັຖມົນຕຣີ ບໍ່ແຮ່ອາຊ້ຽນ ແຕ່ບໍຣິສັດນັ້ນ ບໍ່ໄດ້ສ້າງຜົນປໂຍດ ໃຫ້ແກ່ຊາວບ້ານ ໃນທ້ອງຖິ່ນນັ້ນ ເທົ່າທີ່ຄວນ.
2023-11-30
ຄະນະກັມມະການ ຄຸ້ມຄອງ ອິນເຕີເນັດ ແຫ່ງຊາຕ ຈະເລັ່ງຕ້ານແລະສະກັດກັ້ນ ບັນຫາອາຊຍາກັມທາງໄຊເບີ້ ຫຼື Cybercrime ທີ່ຖືກເຜີຍແຜ່ ຜ່ານລະບົບໂທຣະຄົມມະນາຄົມ ແລະອິນເຕີເນັດ ເພື່ອປ້ອງກັນການນຳໃຊ້ ສື່ສັງຄົມອ໋ອນລາຍນ໌ ແລະການນຳໃຊ້ ອິນເຕີເນັດໃນລາວ ໄປໃນທາງທີ່ບໍ່ດີ.
2023-11-30
ປັດຈຸບັນ ຊາວນະຄອນຫຼວງວຽງຈັນ ຈໍານວນບໍ່ໜ້ອຍ ຍັງທຸກຍາກຢູ່ ເຖິງແມ່ນ ເຈົ້າຄອງນະຄອນຫຼວງວຽງຈັນ ປະກາດວ່າ 481 ບ້ານ ເປັນບ້ານທີ່ພົ້ນທຸກແລ້ວ ເຊິ່ງອີງຕາມຂໍ້ມູນ ທີ່ບໍ່ເປັນທາງການ ລະບຸວ່າ ມີຫຼາຍເມືອງ ໃນນະຄອນຫຼວງວຽງຈັນ ປະຊາຊົນຍັງທຸກຍາກຢູ່.
2023-11-29
ລາວຍັງບໍ່ສາມາດລ້ຽງງົວ ສົ່ງຂາຍໃຫ້ຈີນ ໄດ້ຕາມໂຄຕ້າ ທີ່ຈີນຕ້ອງການ 5 ແສນໂຕ ຍ້ອນງົວ ບໍ່ໄດ້ມາຕຖານ ຕາມເງື່ອນໄຂ ທີ່ຈີນກໍານົດ, ຂະນະທີ່ຍັງຈຳເປັນຕ້ອງນໍາແນວພັນງົວ ເຂົ້າມາຕື່ມອີກ 40,000 ປາຍໂຕ ຈິ່ງອາດສາມາດ ສນອງຄວາມຕ້ອງການໄດ້.
2023-11-29
ມາຮອດປັດຈຸບັນ ກຸ່ມນັກລົງທຶນຈີນ ໄດ້ເຂົ້າມາລົງທຶນໃນລາວ ເປັນອັນດັບ 1 ໂດຍມີໂຄງການລົງທຶນໄປແລ້ວ ຈໍານວນ 933 ໂຄງການ ດ້ວຍມູນຄ່າການລົງທຶນ ສູງເຖິງ 13 ຕື້ໂດລ້າຣ໌ສະຫະຣັຖ ຮອງລົງມາ ຄື ໄທຍ ແລະວຽດນາມ ຕາມລໍາດັບ ສ່ວນທີ່ປະຊາຊົນລາວ ໄດ້ຮັບຜົລປໂຍດ ຈາກໂຄງການຂອງຈີນໜ້ອຍ.
2023-11-29
ຫລາຍໜ່ວຍງານ ເກັບກູ້ລະເບີດບໍ່ທັນແຕກ ທີ່ຂຶ້ນກັບອົງການ ເກັບກູ້ລະເບີດ ບໍ່ທັນແຕກແຫ່ງ ສປປ ລາວ ຫຼື UXO Lao ຂາດເຂີນອຸປະກອນ ເຄື່ອງມື ແລະງົບປະມານຫລາຍ ເຮັດໃຫ້ການປະຕິ ບັດວຽກງານ ບໍ່ເປັນໄປຕາມແຜນ.
2023-11-29
ຊາວຄຣິສຕຽນລາວ ຈໍານວນ 10 ຄອບຄົວ ທີ່ມາຈາກຫຼາຍບ້ານ ຢູ່ເມືອງສະໝ້ວຍ ແຂວງສາຣະວັນ ເປັນຕົ້ນ ບ້ານຕາປົ່ງ, ບ້ານອາຈິ້ນ ແລະບ້ານອາຈື້ງ ທີ່ຖືກອໍານາດການປົກຄອງຂັ້ນບ້ານ ມ້າງເຮືອນ ແລະຂັບໄລ່ອອກຈາກບ້ານ ແຕ່ໃນປີນີ້ ອໍານາດການປົກຄອງຂັ້ນເມືອງ ໄດ້ຈັດສັນທີ່ດິນບ່ອນໃໝ່ໃຫ້ແລ້ວ.
2023-11-28
ມີຊາວບ້ານ 70 ຄອບຄົວ ທີ່ຍັງບໍ່ໄດ້ຮັບຄ່າຊົດເຊີຍ ຈາກໂຄງພັທນາເສຖກິຈໃໝ່ ສີທັນດອນ ຢູ່ເມືອງໂຂງ ແຂວງຈໍາປາສັກ.
2023-11-28
ພາກສ່ວນທີ່ກ່ຽວຂ້ອງ ໄດ້ຊ່ອຍເຫຼືອເດັກຍິງທີ່ອາຍຸຕໍ່າກ່ວາ 18 ປີ ແລະ ແມ່ຍິງ ທີ່ອາຍຸກາຍ 18 ປີ ຈຳນວນທັງ ໝົດ 6 ຄົນເຊິ່ງເປັນພົລເມືອງ ຈາກເມືອງທ່າໂທມ ພາຍຫຼັງເປັນຜູ້ເຄາະຮ້າຍ ຈາກການຄ້າມະນຸສ, ຄ້າໂສເພນີ ຢູ່ສະຖານບັນເທີງ ນະຄອນຫຼວງວຽງຈັນ.
2023-11-28
ທາງການລາວ ແລະພາກສ່ວນທີ່ກ່ຽວຂ້ອງ ມີແຜນທີ່ຈະເລັ່ງດໍາເນີນການ ພິຈາຣະນາ ຄະດີຄວາມ ການໃຊ້ຄວາມຮຸນແຮງ ຕໍ່ແມ່ຍິງ ເພື່ອໃຫ້ໄດ້ຮັບຄວາມຍຸຕິທັມ ພາຍຫຼັງແມ່ຍິງລາວຈໍານວນນຶ່ງ ຍັງປະສົບກັບຄວາມຮຸນແຮງ ຫຼາຍດ້ານ ໂດຍສະເພາະ ທາງເພດ ແລະດ້ານຊັບສິນ.
2023-11-28
ກອງບັນຊາການປ້ອງກັນ ຄວາມສງົບ ແຂວງບໍຣິຄຳໄຊ ໄດ້ຈັດພິທີປະກາດປ່ອຍໂຕ ນັກໂທດ ກ່ອນກຳນົດຈຳນວນ 15 ຄົນເຊິ່ງເປັນນັກໂທດ ທີ່ປະຕິບັດໂຕດີ, ມີການປັບປຸງ ແລະ ປ່ຽນແປງດ້ານແນວຄິດຈິດໃຈ ແລະ ມີເງື່ອນໄຂຄົບຖ້ວນຕາມລະບຽບ ຂອງຄ້າຍຄຸມຂັງ-ດັດສ້າງ.
2023-11-28
ອັດຕຣາເງິນເຟີ້ ຂອງລາວ ຄ່ອຍໆຫຼຸດລົງ, ແຕ່ຢ່າງໃດກໍຕາມ ລາຄາສິນຄ້າ ແລະບໍຣິການຕ່າງໆພາຍໃນປະເທດລາວ ຍັງຄົງມີຄ່າໃຊ້ຈ່າຍເພີ່ມຂຶ້ນເລື້ອຍໆ ຍ້ອນສິນຄ້າຕ່າງໆ ສ່ວນຫຼາຍແມ່ນຍັງນໍາເຂົ້າມາຈາກຕ່າງປະເທດ ຮວມທັງ ການແລກປ່ຽນເງິນຕຣາ.
2023-11-27
ອົງການສິ້ງຊອມ ດ້ານສິດທິມະນຸສ ຮຽກຮ້ອງໃຫ້ຣັຖບານອອສເຕຣເລັຽ ກົດດັນຣັຖບານລາວ ແກ້ໄຂບັນຫາດ້ານສິດທິມະນຸສ ໃນລາວ ໃນໂອກາດໂຕແທນ ຂອງສອງຣັຖບານ ພົບພໍ້ກັນແບບທະວິພາຄີ ກ່ຽວກັບວຽກງານດັ່ງກ່າວ.
