ເຣື້ອງທີ່ເກັບບັນທຶກໄວ້
2022-09-29
ອົງການ ທີ່ເຮັດວຽກ ດ້ານສິດທິມະນຸສ ແລະຍາດຕິພີ່ນ້ອງ ຂອງຄົນມາເລເຊັຽ ໄດ້ໄປປະທ້ວງ ຢູ່ໜ້າສະຖານ ທູຕລາວ ປະຈໍາປະເທດມາເລເຊັຽ ເພື່ອຮຽກຮ້ອງ ໃຫ້ທາງການລາວ ດໍາເນີນການຊ່ອຍເຫຼືອຄົນງານ ມາເລເຊັຽ ປະມານ 700 ຄົນ ທີ່ຖືກຕົວະ ແລະບັງຄັບ ໄປເຮັດວຽກ ຢູ່ປະເທດລາວ.
2022-08-25
ຄູ່ຜົວເມັຍຢູ່ບ້ານນາໂອ ເມືອງແປກ ແຂວງຊຽງຂວາງ ຖືກສານ ຕັດສິນຈຳຄຸກ ຄົນລະ 15 ປີ ແລະ ປັບໃໝອີກຜູ້ລະ 100 ລ້ານກີບ ໃນຄວາມຜິດ ຖານຫລອກລວງ ແລະບັງຄັບເດັກນ້ອຍ ແມ່ຍິງອາຍຸຕໍ່າກວ່າ 18 ປີ 4 ຄົນ ໃຫ້ຂາຍບໍຣິການທາງເພດ ຢູ່ຮ້ານກິນດື່ມ ແຫ່ງນຶ່ງ.
2022-08-23
ຊາວລາວ ເປັນຫ່ວງຂະບວນການ ຄ້າມະນຸສຈີນ ທີ່ມາໃນຮູບແບບ ການແຕ່ງດອງ ກັບແມ່ຍິງລາວ ຫຼັງຈາກ ທີ່ມີຄົນໂພສຕ໌ ຮັບສມັກແມ່ຍິງລາວ ເພື່ອແຕ່ງດອງກັບ ຄົນຈີນ ຈຳນວນເຖິງ 15 ຄົນ ໂດຍຜູ້ໂພສຕ໌ ອ້າງວ່າຈະໄດ້ເງິນເດືອນສູງ.
2022-08-01
ການຄ້າມະນຸສ ຍັງເປັນພັຍຂົ່ມຂູ່ ຕໍ່ກັບແມ່ຍິງລາວ ທີ່ຢູ່ເຂດຫ່າງໄກ ສອກຫຼີກ ແມ່ນມີຄວາມສ່ຽງຫຼາຍ ຕໍ່ການຕົກເປັນເຫຍື່ອ ຂອງຂະບວນການຄ້າມະນຸສ ນັບມື້ນັບເພີ່ມຂຶ້ນ ອີງຕາມຂໍ້ມູນ ຂອງທາງການລາວ ເຮັດໃຫ້ຮູ້ວ່າ ໃນຈຳນວນຜູ້ຕົກເປັນເຫຍື່ອ ຂອງການຄ້າມະນຸສ ຜູ້ຍິງມີອັດຕຣາສ່ວນ ກວມເອົາຫຼາຍກ່ວາຜູ້ຊາຍ.
2022-07-25
ມີການປະກາດ ສັ່ງໂຈະ ຮັບຄົນງານລາວ ໃນວຽກງານຕອບແຊັດ ຢູ່ເຂດເສຖກິດພິເສດ ສາມຫລ່ຽມຄໍາ ແລະຈະມີການກວດກາ ເພື່ອເຮັດໃຫ້ຄົນງານ ໄດ້ຮັບການຄຸ້ມຄອງ ຢ່າງມີປະສິທທິພາບ, ຜູ້ໃຊ້ແຮງງານ ແລະຜູ້ອອກແຮງງານ ໄດ້ຮັບການປົກປ້ອງສິທ ແລະຜົລປໂຍດ ອັນຊອບທັມື ຕາມລະບຽບກົດໝາຍ.
2022-07-19
ກະຊວງ ການຕ່າງປະເທດ ສະຫະຣັຖອາເມຣິກາ ໄດ້ຈັດປະເທດລາວ ໃຫ້ຢູ່ໃນອັນດັບ ທີ່ບໍ່ໄດ້ມາຕຖານ ຫຼື Tier 2 ໃນການປາບປາມ ການຄ້າມະນຸສ.
2022-07-18
ແມ່ຍິງລາວ 3 ຄົນ ອາຍຸລະຫວ່າງ 19-20 ປີ ຈາກນະຄອນຫຼວງວຽງຈັນ ຖືກນາຍໜ້າ ຢູ່ເມືອງສອງຄອນ ຕົວະ ເອົາໄປເຮັດວຽກ ຢູ່ປະເທດໄທຍ ແບບຜິດກົດໝາຍ ຊຶ່ງມີຄວາມສ່ຽງ ທີ່ຈະຕົກເປັນເຫຍື້ອ ຂອງການຄ້າມະສຸສ ແຕ່ຖືກເຈົ້າໜ້າທີ່ ຊ່ອຍໄວ້ໄດ້ທັນກ່ອນ.
2022-07-18
ທ້າວຈົ່ວ ຊາວບ້ານ ຈາກແຂວງຫຼວງນ້ຳທາ ທີ່ເຮັດວຽກໃຫ້ບໍຣິສັດຈີນ ແຫ່ງນຶ່ງ ທີ່ຢູ່ພາຍໃນເຂດ ເສຖກິຈພິເສດ ສາມຫລ່ຽມຄຳ ຖືກເຈົ້າໜ້າທີ່ ຮັກສາຄວາມປອດພັຍ ຂອງບໍຣິສັດດັ່ງກ່າວ ຕີຈົນໄດ້ຮັບບາດເຈັບ ສາຫັດ ຂະນະທີ່ ເຈົ້າໜ້າທີ່ຕຳຣວດ ຍັງບໍ່ສາມາດຈັບ ຜູ້ກໍ່ເຫດໄດ້ເທື່ອ.
2022-07-13
ແມ່ຍິງລາວນາງນຶ່ງ ຢູ່ເມືອງຊໍາໃຕ້ ແຂວງຫົວພັນ ພ້ອມກັບລູກສາວ ອາຍຸ 5 ປີ ທີ່ຖືກຕົວະ ໃຫ້ໄປຢູ່ກິນ ກັບຊາຍຊາວຈີນ ຢູ່ທີ່ປະເທດຈີນ ໄດ້ 4-5 ປີແລ້ວ, ປັດຈຸບັນ ຜູ້ກ່ຽວ ຕ້ອງການ ຄວາມເຫຼືອ ເພື່ອກັບຄືນປະເທດລາວ ແລະ ຍັງລໍຖ້າການຊ່ອຍເຫຼືອ ຈາກເຈົ້າໜ້າທີ່ ທີ່ກ່ຽວຂ້ອງຢູ່.
2022-07-01
ແຂວງຈໍາປາສັກ ແລະ ແຂວງອຸບົລຣາຊທານີ (ປະເທດໄທຍ) ໄດ້ຈັດກອງປະຊຸມ ຄະນະກັມມະການ ຮ່ວມມື ຮັກສາຄວາມສງົບ-ຮຽບຮ້ອຍ ຕາມຊາຍແດນ ລາວ-ໄທຍ ຄັ້ງທີ່ 14 ຢູ່ແຂວງຈໍາປາສັກ ເພື່ອຮ່ວມມື ໃນການປາບປາມ ການຄ້າຢາເສບຕິດ ແລະ ການຄ້າມະນຸສ ຕາມຊາຍແດນ.
2022-06-30
ຊາວນະຄອນຫຼວງວຽງຈັນ 3 ຄົນຖືກຈັບ ເນື່ອງຈາກຜູ້ກ່ຽວທັງ 3 ໄດ້ໂພສຕ໌ ຮັບສມັກເອົາຄົນ ໄປເຮັດວຽກ ຜ່ານສື່ສັງຄົມອອນລາຍນ໌ ໂດຍອ້າງວ່າ ຈະໃຫ້ເງິນເດືອນ ຄ່າຕອບແທນສູງ ເຮັດໃຫ້ມີຜູ້ເສັຍຫາຍຫຼົງເຊື່ອ ຈຳນວນນຶ່ງ ຈຶ່ງນຳໄປສູ່ການ ຈັບໃນຄັ້ງນີ້.
2022-06-27
ໃນ 1 ປີຜ່ານມາ ເຈົ້າໜ້າທີ່ ແຂວງວຽງຈັນ ໄດ້ຈັບແມ່ຍິງລາວຄົນນຶ່ງ ໃນຂໍ້ຫາ ຄ້າມະນຸສ, ຕົວະເດັກນ້ອຍແມ່ຍິງ ເຜົ່າມົ້ງ ທີ່ທຸກຍາກ 3 ຄົນ ໄປເສີບອາຫານ ທີ່ໂຮງກາສິໂນ ຄິງສ໌ໂຣມັນສ໌ ຢູ່ເມືອງຕົ້ນເຜິ້ງ ແຂວງບໍ່ແກ້ວ ແຕ່ແລ້ວຖືກບັງຄັບ ໃຫ້ຂາຍບໍຣິການທາງເພດ.
2022-06-21
ນັບເປັນເວລາ 2 ເດືອນປາຍແລ້ວ ທີ່ຄວາມພຍາຍາມຊ່ອຍເຫຼືອ ນາງເກດແກ້ວ ໄຊຍະວົງ ອາຍຸ 26 ປີ, ຢູ່ບ້ານນາອູມ ເມືອງພຽງ ແຂວງໄຊຍະບູຣີ ຫາຍສາບສູນຢູ່ຈີນ ເມື່ອວັນທີ 23 ເດືອນກຸມພາ 2022 ທີ່ຜ່ານມາ ຍັງບໍ່ມີຂ່າວຄາວຄວາມຄືບໜ້າ ວ່າເປັນຕາຍຮ້າຍດີແນວໃດ ພາຍຫຼັງທີ່ທາງຄອບຄົວ ໄດ້ຍື່ນຂໍຄວາມຊ່ອຍເຫຼືອ ໄປຍັງພາກສ່ວນທີ່ກ່ຽວຂ້ອງຕ່າງໆ.
2022-06-17
ພາຍໃນ 1 ປີທີ່ຜ່ານມາ ມີຈຳນວນ ຜູ້ຖືກເຄາະຮ້າຍ ຈາກການຄ້າມະນຸສ ໄດ້ຮັບການຊ່ອຍເຫຼືອ ຈາກທາງການ ແຂວງບໍ່ແກ້ວແລ້ວ 477 ຄົນ ແລະບັນຫາ ການຄ້າມະນຸສ ຢູ່ໃນເຂດເສຖກິຈ ພິເສດ ສາມຫລ່ຽມຄຳ ຈະບໍ່ໝົດໄປ ເພາະເປັນເຂດ ທີ່ເຈົ້າໜ້າທີ່ລາວ ບໍ່ສາມາດເຂົ້າໄປ ກວດກາ ແລະປະຕິບັດໜ້າທີ່ໄດ້.
2022-06-15
ຄົນໄທຍ 13 ຄົນ ທີ່ຖືກຕົວະ ໄປເຮັດວຽກ ເປັນສະແກມເມີ້ຣ໌ ຢູ່ກາສິໂນ ຄິງສ໌ໂຣມັນສ໌ ໃນເຂດເສຖກິຈພິເສດ ສາມຫຼ່ຽມຄໍາ ເມືອງຕົ້ນເຜິ້ງ ແຂວງບໍ່ແກ້ວ ໄດ້ຮັບການຊ່ອຍເຫຼືອ ເດີນທາງກັບ ປະເທດໄທຍແລ້ວ ຫຼັງຈາກນີ້ ເຈົ້າໜ້າທີ່ ທີ່ກ່ຽວຂ້ອງຂອງໄທຍ ຈະດໍາເນີນການສືບສວນ ຫາຂບວນການ ທີ່ຕົວະຄົນໄທຍ ຂ້າມໄປ ເຮັດວຽກຢູ່ລາວ.
