ဆိုင်ကယ် မောင်းနှင်နိုင်မယ့်နေရာ သတ်မှတ်ပေးဖို့ ရန်ကုန်တိုင်း လွှတ်တော်မှာ အဆိုတင်

ဒေသန္တရအမိန့် ထုတ်ပြန်လိုက်ရင် ဆိုင်ကယ်ကယ်ရီ ဆွဲနေသူတွေအတွက်လည်း နယ်နိမိတ်သတ်မှတ်ချက်နဲ့ စည်းကမ်းအရ သွားလာခွင့်ရှိနိုင်မှာဖြစ်ပါတယ်။

အဲဒီအဆိုကို တိုင်းလွှတ်တော်မှာ လက်ခံဆွေးနွေးဖို့ ဆုံးဖြတ်လိုက်ပြီး လာမယ့် အောက်တိုဘာလ ၁၈ရက်နေ့ မှာ ဆွေးနွေးမှာဖြစ်ပါတယ်။

၂၀၁၄ ခုနှစ် သန်းခေါင်စာရင်းအရ သွားလာနေတဲ့ ဆိုင်ကယ်အရေအတွက် ၂သိန်းကျော်ရှိပြီး တရားဝင် လိုင်စင်ရှိတဲ့အရေအတွက်ဟာ ၅သောင်းကျော်သာရှိတယ်လို့လည်း ဦးကျော်ဇေယျက ဆိုပါတယ်။

တရားဝင်ဆိုင်ကယ်စီးခွင့်မရှိတဲ့ လှိုင်သာယာမြို့နယ်မှာဆိုရင် ဆိုင်ကယ်စီးရေ ၁ သောင်း ၄ ထောင်ကျော်၊ မင်္ဂလာဒုံမြို့နယ်မှာ တစ်သောင်းဝန်းကျင်၊ ရွှေပြည်သာမြို့နယ်မှာ ၈ ထောင်ကျော်၊ ဒဂုံမြို့သစ်တောင်ပိုင်းမှာ ၇ ထောင်ကျော်နဲ့ မြောက်ဥက္ကလာမြို့နယ်မှာ ၅ထောင်ကျော် ရှိပါတယ်။