ကိုမျိုးရန်နောင်သိမ်းအမှု ရှေ့နေ တင်သွင်းလွှာ ပယ်ချခံရ

ဆက်သွယ်ရေးဥပဒေ ပုဒ်မ ၆၆-ဃ နဲ့ ဖမ်းဆီးခံထားရတဲ့ အမျိုးသားဒီမိုကရေစီအဖွဲ့ချုပ်ရဲ့ ဗဟိုသုတေသနဌာန ဒုတိယတာဝန်ခံ ကိုမျိုးရန်နောင်သိမ်းအတွက် ရှေ့နေအဖြစ် ဦးကျော်ဟိုးကို ဒီကနေ့ လှိုင်မြို့နယ်တရားရုံးမှာ တင်သွင်းခဲ့ရာမှာ တရားရုံးကပယ်ချခဲ့ပါတယ်။

ကိုမျိုးရန်နောင်သိမ်းအမှုနဲ့ ပတ်သက်ပြီး တရားရုံးမှာ ရဲတပ်ဖွဲ့ဘက်က ရမန်ထပ်ယူတာကို ကန့်ကွက်အပြီးမှာ အခုလို ရှေ့နေအဖြစ်ပါဝါလွှဲတာကို ပယ်ချခံရတာဖြစ်တယ်လို့ ရှေ့နေဦးကျော်ဟိုး က ပြောပါတယ်။

"ရဲလုပ်ငန်းဘာရှိလဲ ဘာလုပ်ချင်လဲပြော ပြောလို့ရှိရင် ကျနော်တို့က ချင့်ချိန်လို့ရတယ်၊ ဒီလုပ်ငန်းက ဘယ်နှစ်ရက် ကြာမလဲ၊ ၅ ရက်ကြာမလား ၁ဝ ရက်ကြာမလား၊ အခုဟာက ဘာမှလဲတိတိကျကျ မပြောနိုင်ဘဲနဲ့ ရမန်ထပ်ယူ တာကို ကျနော်တို့ဘက်က ကန့်ကွက်တယ်၊ ကန့်ကွက်တဲ့အခါကျတော့ တရားသူကြီးက ကျနော့်ရဲ့ ဦးမျိုးရန်နောင် သိမ်းအတွက် လိုက်တဲ့ရှေ့နေလျှောက်လွှာကို လက်မခံဘူး ပယ်လိုက်တယ်၊ ကျနော် ကန့်ကွက်တဲ့အခါကျမှ ပယ်တာနော်၊ နဂိုကပယ်တာ မဟုတ်ဘူး"