ကလေးသူငယ်အခွင့်အရေးဆိုင်ရာဥပဒေကို တစ်ပြည်လုံးမှာ ကန့်ကွက်သွားမယ်လို့ USDP ပြော


2019.06.29
child-law-protest-mdy-622.jpg မန္တလေးမြို့၊ ပြည်ကြီးတံခွန်မြို့နယ် ပြည်ခိုင်ဖြိုး မြို့နယ်ရုံးမှာ ကလေးသူငယ်အခွင့်ရေးဆိုင်ရာ ဥပဒေမူကြမ်းအပေါ် ကန့်ကွက်ရှုတ်ချပွဲအခမ်းအနားကို ၂၀၁၉၊ ဇွန် ၂၉ ရက်နေ့က ကျင်းပစဉ်
Photo: Khaymani Win/ RFA

ကလေးသူငယ်အခွင့်အရေးဆိုင်ရာဥပဒေကို တစ်ပြည်လုံးအတိုင်းအတာနဲ့ ကန့်ကွက်ရှုတ်ချတာတွေကို ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီက ဦးဆောင်ပြီးလုပ်ဆောင်သွားမယ်လို့ ပါတီပြောခွင့်ရသူ ဦးသိန်းထွန်းဦးက ပြောပါတယ်။

ဒီကနေ့ မနက်ပိုင်းက မန္တလေးမြို့၊ ပြည်ကြီးတံခွန်မြို့နယ် ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီ၊ မြို့နယ်ရုံးမှာ ကလေးသူငယ်အခွင့်ရေးဆိုင်ရာ ဥပဒေမူကြမ်းအပေါ် ကန့်ကွက်ရှုတ်ချပွဲအခမ်းအနားမှာ ပြောကြားခဲ့တာဖြစ်ပါတယ်။

ပြီးခဲ့တဲ့ ဇွန်လ ၇ ရက်နေ့က ပြည်ထောင်စုလွှတ်တော်ကနေ အတည်ပြုလိုက်တဲ့ ကလေးသူငယ်အခွင့်အရေးဆိုင်ရာဥပဒေမူကြမ်းမှာ လိုအပ်ချက်တွေရှိနေသေးတာမို့ ပြန်လည်ပြင်ဆင်ပေးဖို့အတွက် အခု လိုကန့်ကွက်ရတာလို့ ပြောပါတယ်။

ပြီးခဲ့တဲ့ ဇွန်လ ၂၂ ရက်နေ့ကလည်း နေပြည်တော်မှာ ကလေးသူငယ်အခွင့်အရေးဆိုင်ရာဥပဒေကို ကန့်ကွက်တဲ့ ဆန္ဒဖော်ထုတ်ပွဲကိုလည်း ပြည်ထောင်စုကြံ့ခိုင်ရေးနဲ့ဖွံ့ဖြိုးရေးပါတီက ဦးဆောင်ကျင်းပ ခဲ့ပါတယ်။

(RFA သတင်းထောက် မခေမဏီဝင်း ပေးပို့သည်)

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။