ပုပ္ပါးတောင် သဘာဝပတ်ဝန်းကျင် ထိန်းသိမ်းကာကွယ်ရေးဆိုင်ရာ ဆွေးနွေးပွဲကျင်းပ

ပုပ္ပါးတောင် သဘာဝပတ်ဝန်းကျင် ထိန်းသိမ်း ကာကွယ်ရေးဆိုင်ရာ ဆွေးနွေးပွဲ တစ်ရပ်ကို မန္တလေးတိုင်း ကျောက်ပန်းတောင်းမြို့နယ်မှာရှိတဲ့ ပုပ္ပါးတောင်မှာ မနေ့က ကျင်းပခဲ့ပြီး ဒေသခံ ပြည်သူ တစ်ထောင်ကျော် တက်ရောက်ခဲ့ပါတယ်။

2012.08.20

အဲဒီဆွေးနွေးပွဲမှာ ရန်ကုန်မြို့က ထင်ရှားတဲ့ သဘာဝပတ်ဝန်းကျင် ထိန်းသိမ်းရေး ဦးဆောင်လှုပ်ရှားသူတွေ ဖြစ်တဲ့ ဦးအုန်း၊ ဒေါက်တာ ကျော်သူ၊ ဦးဝင်းမျိုးသူနဲ့ ကိုတာတို့  တက်ရောက် ဟောပြောခဲ့တယ်လို့ သိရပါတယ်။

ပုပ္ပါးတောင်မကြီးမှာ အစိုးရက ကျောက်နဲ့ ကျွန်းသစ်ထုတ်လုပ်ရေး လုပ်ငန်းတွေကို လုပ်ကိုင်နေတာကြောင့် သဘာဝပတ်ဝန်းကျင် ပျက်စီးနေတာတွေကို သဘာဝ ပတ်ဝန်းကျင် ထိန်းသိမ်းရေးပညာရှင် ဦးအုန်းက အလေးထား ပြောကြားခဲ့တယ်လို့ ကျောက်ပန်းတောင်းမြို့က ဒေသခံတစ်ဦးဖြစ်သူ ဦးအေးခိုင်က RFA ကိုပြောပါတယ်။

ပြီးခဲ့တဲ့နှစ်တွေအတွင်း ပုပ္ပါးတောင်မှာရှိတဲ့ သစ်ပင်တွေကို အစိုးရ အာဏာပိုင်တွေက ခုတ်ထွင်ရှင်းလင်းပြီး လက်ဖက်စိုက်ခင်းတွေ အကောင်အထည် ဖော်ခဲ့တယ်လို့ သိရပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။