ဦးထင်လင်းဦး ဟောပြောခွင့် ကန့်ကွက်ခံရ

မွန်ပြည်နယ် ဘီလူးကျွန်း ချောင်းဆုံမြို့နယ်မှာ ဒီကနေ့ ပြုလုပ်မယ့် စာပေဟောပြောပွဲမှာ ပါဝင်ဟောပြောဖို့ စီစဉ်ထားတဲ့ စာရေးဆရာ ထင်လင်းဦးကို ဟောပြောခွင့်မပြုဖို့ မြစေတီကျောင်း ဆရာတော် ဦးဆောင်ပြီး အမျိူးသားရေးလှုပ်ရှားတဲ့ ဆရာတော်တွေနဲ့ နယ်ခံစာရေးဆရာအသင်းက ကန့်ကွက်ခဲ့ကြတဲ့အတွက် ဟောပြောခွင့်မရဘူးလို့ သိရပါတယ်။

ဒါ့အပြင် ဒေသခံသံဃာတော်တွေကို လက်မှတ်ထိုးခိုင်းပြီး ကန့်ကွက်ခဲ့သလို ချောင်းဆုံမြို့နယ် စာရေးဆရာအသင်းကလည်း ဆရာ ထင်လင်းဦးဟာ ဗုဒ္ဓဘာသာသာသနာအပေါ် အဂါရ၀ နဲ့ ဟောပြောခဲ့တာကြောင့် ကန့်ကွက်ကြောင်း ဒေသခံအာဏာပိုင်တွေထံ စာတင်ခဲ့ကြတယ်လို့ သိရပါတယ်။

အဲဒီလိုကန့်ကွက်မှုကြောင့် ဒီကနေ့မှာပြုလုပ်မယ့် ဟောပြောပွဲကို လာမယ့်၂၄ ရက်နေ့ကို ရွေ့ဆိုင်းလိုက်ရပြီး မူလကစီစဉ်ထားတဲ့ ဆရာ ထင်လင်းဦးနဲ့  ဆရာ မောင်စိန်ဝင်း ပုတီးကုန်း တို့ ပါဝင်ခွင့်မရတော့ဘူးလို့ ဟောပြောပွဲဖြစ်မြောက်ရေးအဖွဲ့မှ သိရပါတယ်။

ဒီသတင်းကို RFA သတင်းထောက် ကိုထက်အာကာ ပေးပို့တာပါ။