NLD ကျန်းမာရေးကွန်ရက် ဘားအံမှာ အခမဲ့ဆေးဝါးကုသမည်

အဲဒီအဖွဲ့က ကရင်ပြည်နယ်မှာ ဆေးဝါးသွားရောက်ကုသပေးတာဟာ ပထမဆုံးအကြိမ်ဖြစ်ပြီး မနက်ဖြန်မှာ ဘားအံမြို့၊ မင်္ဂလာခန်းမမှာ ကုသပေးမယ်လို့ သိရပါတယ်။

ခွဲစိတ်ဖို့လိုအပ်တဲ့ လူနာတွေကအစ ကုသပေးသွားမှာဖြစ်တယ်လို့ NLD ကျန်းမာရေးကွန်ရက် ဥက္ကဌ ဒေါက်တာ တင်မျိုးဝင်းကပြောပါတယ်။

NLD ကျန်းမာရေးကွန်ရက်က အဲဒီလိုနယ်လှည့်ပြီး ဆေးဝါးလိုက်လံကုသပေးနေတာဟာ ရန်ကုန်တိုင်းအတွင်းမှာ ၆ ခေါက်၊ ဧရာဝတီတိုင်းမှာ သုံးခေါက်၊ ပဲခူးတိုင်းမှာငါးခေါက်နဲ့ မွန်ပြည်နယ်မှာ နှစ်ခါက်စီနဲ့ လူနာပေါင်း လေးသောင်းဝန်းကျင်ကို ကုသပေးခဲတယ်လို့ သိရပါတယ်။

လာမယ့်၂၀၁၄ခုနှစ် နှစ်ဆန်းပိုင်းမှာလည်း တနင်္သာရီတိုင်း၊ ရခိုင်ပြည်နယ်၊ စစ်ကိုင်းတိုင်း၊ မန္တလေးတိုင်းနဲ့ ရှမ်းပြည်နယ်တွေမှာ သွားရောက်ကုသပေးသွားမယ်လို့ သိရပါတယ်။