မြန်မာ စာနယ်ဇင်း လွတ်လပ်ခွင့် ဝေဖန်ကြ

အဲဒီဆွေးနွေးပွဲမှာ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့-အမေရိကန်က Ms. Emily Welch က သတင်းစာ ပညာဆိုတာ ရာဇဝတ်မှုမဟုတ်ပါဘူး။ ကိုဝလုံးနဲ့ ကိုကျော်စိုးဦး တို့လို မတရားမှုတွေကို မီးမောင်းထိုးပြလို့ ဘေးအန္တ ရာယ်ရောက်နေတဲ့ ကမ္ဘာတလွှားက သတင်းထောက်တွေကို ဆက်ပြီးကာကွယ်နေရမယ်လို့ ပြောသွားတာပါ။

ဧရာဝတီသတင်းဌာနက သတင်းထောက် လဝီဝမ်ကလည်း အခုဆိုရင် ကျနော်တို့ ဘယ်အချိန်အရေးယူခံရမလဲ။ ဘယ်သူက ချောင်းရိုက်မလဲ၊ ဘယ်သူက ဒုက္ခပေးမလဲဆိုတာ မသိနိုင်ပါဘူး။ ဒါကြောင့် ကျနေ်ာတို့ သတင်းထောက်တွေ ရပ်တည်လုပ်ကိုင်ရတာ တော်တော်ခက်ခဲပါတယ်လို့ ပြောသွားတာပါ။

အခုလို အခြေအနေတွေကြောင့် မြန်မာနိုင်ငံမှာ နှစ်ရှည်ထောင်ဒဏ်ကျခံရဖွယ်ရှိနေတဲ့ ကိုဝလုံးနဲ့ ကိုကျော်စိုးဦး တို့ဘက်ကနေ အပြည့်အဝရပ်တည်ကြတယ်ဆိုတာ ဆက်ပြီးပြသကြမယ်လို့ PEN America အဖွဲ့က ညွှန်ကြားရေးမှူးတစ်ဦးဖြစ်တဲ့ Karin Karlekar ကပြောသွားပါတယ်။