မြိုင်ကြီးငူက ဒုက္ခသည်တွေ စားနပ်ရိက္ခာ လိုအပ်နေ
2016.12.25
ကရင်ပြည်နယ် လှိုင်းဘွဲ့မြို့နယ် မဲသဝေါဒေသက တိုက်ပွဲတွေကြောင့် မြိုင်ကြီးငူဒေသမှာ ခိုလှုံနေရတဲ့ စစ်ဘေးဒုက္ခသည်တွေ ကို တွေ့ရစဉ်
ပြီးခဲ့တဲ့ စက်ဘာလနဲ့ အောက်တိုဘာလအတွင်း တိုက်ပွဲတွေကြောင့် ကရင်ပြည်နယ် မြိုင်ကြီးငူ ဒေသမှာ ထွက်ပြေးတိမ်းရှောင်နေရတဲ့ စစ်ဘေးဒုက္ခသည် ၅ ထောင်ကျော်အတွက် စားနပ်ရိက္ခာတွေ လိုအပ်နေတယ်လို့ မြိုင်ကြီးငူ စစ်ဘေးဒုက္ခသည်စခန်းရဲ့တာဝန်မှူး ဦးစောဦး က ပြောပါတယ်။
ဒုက္ခသည်တွေအတွက် အလှူရှင်တွေ နည်းပါးနေသလို ၁၅ ရက်စာလောက်ပဲ ဆန် ကျန်တော့တယ် လို့ ဦးစောဦးက ပြောပါတယ်။
"နည်းလာတာပေါ့။ ရိက္ခာက သူများမပို့ထာကြာပြီ။ လက်ကျန်ရှိတာနဲ့ အခုစားနေတာ။ ရိက္ခာအားလုံးပေါင်း ကျနော်တို့ ဌာနမှာ အခု သုံးရာ (ဆန်အိတ် သုံးရာ) ပဲကျန်တော့တယ်။ သုံးရာဆိုတော့ ကျနော်တို့ ဥစ္စာကတော့ ၁၅ ရက်စာတော့ ရသေးတာပေါ့။ အစိုးရတော့ လှူဖို့ မရှိသေးဘူး"
စားနပ်ရိက္ခာအကူအညီတွေ ရရှိဖို့အတွက် အထွေထွေ အုပ်ချုပ်ရေး ဦးစီးဌာနထံ အကူအညီတောင်းဖို့ စီစဉ်နေတယ်လို့လည်း ဦးစောဦးက ပြောပါတယ်။
ကရင်ပြည်နယ် မဲသဝေါဒေသမှာ ပြီးခဲ့တဲ့ စက်တင်ဘာ လဆန်းပိုင်းကစပြီး တပ်မတော်နဲ့ DKBA ခွဲထွက်အဖွဲ့တို့ကြား ဖြစ်ပွားခဲ့တဲ့ တိုက်ပွဲတွေကြောင့် အဲဒီဒေသက ဒေသခံတွေဟာ မြိုင်ကြီးငူ ဒေသကို လာရောက်ပြီး ခိုလှုံနေကြရတာဖြစ်ပါတယ်။
လက်ရှိမှာ တိုက်ပွဲတွေ ငြိမ်သက်သွားပြီဖြစ်ပေမယ့် မိုင်းအန္တရာယ်ကို စိုးရိမ်တဲ့အတွက် ဒုက္ခသည် တွေက နေရပ်မပြန်ရဲကြသေးဘူးလို့လည်း ဦးစောဦး က ပြောပါတယ်
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ