လက်ပန်တောင်းတောင်သပိတ်မှာ ဒဏ်ရာရသူများကို ဆေးကုပေးမှုအောင်မြင်

အာဏာပိုင်တွေက လက်ပန်တောင်းတောင်သပိတ်စခန်း ဖြိုခွဲစဉ်ကာလမှာ ဒဏ်ရာရခဲ့တဲ့သံဃာ နဲ့ လူပုဂ္ဂိုလ် စုစုပေါင်း ၁၁၆ဦးကို သီတဂူဆရာတော် အရှင်ဉာဏိဿရက ကူညီကုသပေးနေရာမှာ အောင်မြင်နေတယ်လို့ သတင်းရရှိပါတယ်။

2013.01.11
monk-hospital305 လက်ပန်းတောင်တောင် သပိတ်စခန်းဖြိုခွဲမှုတွင် ပြင်းထန်စွာ ဒဏ်ရာရရှိခဲ့သည့် သံဃာတော်တစ်ပါး ရန်ကုန်ပြည်သူ့ ဆေးရုံကြီးသို့ ဒီဇင်ဘာ ၁၆ ရက်နေ့က ရောက်ရှိလာစဉ်။
Photo:RFA/Moe Thu Aung

ဆရာတော်က ဒဏ်ရာရဂီလာနပုဂ္ဂိုလ်တွေအတွက် လိုအပ်တဲ့ဆေးကို အိန္ဒိယနိုင်ငံ ကာလကတ္တားမြို့ ဆင်းဘရားသားကုမ္ပဏီကနေ အလှူရရှိပြီး၊ ဗြိတိန်နိုင်ငံက အရေးပြားအထူးကုဆရာဝန် ဒေါက်တာဂျိမ်းစ်နဲ့ အဖွဲ့က ဇန်နဝါရီလ ၅ရက်နေ့မှာ မြန်မာနိုင်ငံကိုလာရောက်ကုသပေးခဲ့တယ်လို့ RFA ကိုမိန့်ကြားပါတယ်။

အလှူရတဲ့ဆေးဟာ ဖေါ့စဖရပ်စ်လို့ ခေါ်တဲ့ မီးစုံးကြောင့်ဖြစ်တဲ့ဒဏ်ရာတွေကို သက်သာပျောက်ကင်းစေတဲ့ဆေးဖြစ်ပြီး အဲဒီဆေးနဲ့ ဝေဒနာတွေ သက်သာပျောက်ကင်းလာကြတယ်လို့မိန့်ပါတယ်။ အခုတော့အရေပြားလဲပေးလိုက်ရတာက ရဟန်းတော် ၃ပါးနဲ့ သာမဏေ ၄ပါးဖြစ်ပြီး၊ အသေးစားကုသမှုနဲ့ ကုပေးလိုက်တာက ၉၃ဦးဖြစ်သလို၊ လက်ရှိအချိန်ထိ သီတဂူအာယုဒါနဆေးရုံမှာ လူနာ ၂၃ဦးကုသပေးနေစဲဖြစ်တယ်လို့ သိရပါတယ်။

ဆရာတော်အရှင်ဉာဏိဿရနဲ့ လျှောက်ထားမေးမြန်းချက်ကို နိုင်ပါတယ်။

အသံဖိုင်နားထောင်ရန်
အသံဖိုင်ယူရန်။
ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။