ဘွဲ့နှင်းသဘင်ခန်းမ ပြင်ဆင်ပေးဖို့ ကယား ကျောင်းသားတွေ ဆန္ဒပြ
2016.09.28
ကယားပြည်နယ် ကျောင်းသားသမဂ္ဂအဖွဲ့ဝင်တွေ စက်တင်ဘာလ ၂၈ ရက်နေ့က ပြည်နယ်အစိုးရရုံးရှေ့မှာ ဆန္ဒပြတောင်းဆိုစဉ်
ကယားပြည်နယ်က ကျပ်သိန်းပေါင်း တစ်သောင်းသုံးထောင်ကျော် အကုန်ကျခံပြီး တည်ဆောက်ခဲ့တဲ့ ဘွဲ့နှင်းသဘင် ခန်းမ ပျက်စီးနေတာကို ပြန်လည်စိစစ်ပေးဖ့ိုအတွက် ကယားပြည်နယ် ကျောင်းသား သမဂ္ဂကအဖွဲ့ဝင်တွေက ဒီကနေ့ ပြည်နယ်အစိုးရရုံးရှေ့မှာ ဒုတိယအကြိမ် ဆန္ဒပြတောင်းဆိုကြပါတယ်။
ဘွဲ့နှင်းသဘင်ခန်းမ ပျက်စီးနေတာကို ပထမအကြိမ် ဆန္ဒပြတောင်းဆိုခဲ့ပေမဲ့ မဖြေရှင်းပေးတဲ့အတွက်အခုလို ထပ်မံ ဆန္ဒပြတာဖြစ်ပြီး ပြည်နယ်အစိုးရ ၊ ကုမ္ပဏီနဲ့ တာဝန်ရှိ တက္ကသိုလ်ဆရာဆရာမတွေ၊ ကျောင်းသားအဖွဲ့ နဲ့ လေ့လာစောင့်ကြည့်သူတွေ လေးပွင့်ဆိုင်တွေ့ဆုံဖို့သဘောတူညီမှုရရှိခဲ့တယ်လို့ ကယားပြည်နယ်ကျောင်းသား သမဂ္ဂဥက္ကဌ ခွန်းရဲမင်း ကျော်က ပြောပါတယ်။
အဲဒီ လေးပွင့်ဆိုင်တွေ့ဆုံပွဲကို လာမယ့် သောကြာနေ့မှာ ကယားပြည်နယ်အစိုးရရုံးမှာ ပြုလုပ်သွားမှာဖြစ်တယ်လို့ သိရပါတယ်။
ကယားပြည်နယ် ဘွဲ့နှင်းသဘင်ခန်းမကို ၂၀၁၄ - ၂၀၁၅ ဘတ်ဂျက်နဲ့ KMG ကုမ္ပဏီက ကျပ်သိန်းပေါင်း ၁၃၀၀၀ ကျော် အကုန်ကျခံတာဝန်ယူ တည်ဆောက်ခဲ့တာဖြစ်ပါတယ်။
၂၀၁၅ ခုနှစ်ဖေဖေါ်ဝါရီလမှာ ခန်းမကိုဖွင့်လှစ်ခဲ့ဲပြီး လက်ရှိအချိန် ခန်းမဆောင်မှာ အက်ကြောင်းထနေ တာတွေ အောက်ခြေမှာ ပျက်စီးနေတာတွေဆိုးဆိုး ဝါးဝါးဖြစ်နေတဲ့အတွက် ကျောင်းသားတွေက ဆန္ဒပြတောင်းဆိုခဲ့တာဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ