ကိုးကန့်ဒေသ မူပန်မြို့က လူနေရပ်ကွက် လေယာဉ်နဲ့ တိုက်ခိုက်ခံရလို့ တစ်ဦးသေဆုံး

အောင်သိင်္ခ (ဝါရှင်တန်ဒီစီ)
2023.04.27
ကိုးကန့်ဒေသ မူပန်မြို့က လူနေရပ်ကွက် လေယာဉ်နဲ့ တိုက်ခိုက်ခံရလို့ တစ်ဦးသေဆုံး ၂၀၂၃ ခုနှစ် ဧပြီ ၂၆ ရက်နေ့က သိန္နီမြို့နယ် မူပန်မြို့က လူနေရပ်ကွက်များ လေကြောင်းမှ တိုက်ခိုက်ခံခဲ့ရပြီးသည့်နောက် တွေ့မြင်ရသည့်မြင်ကွင်း။
Screenshot/The Kokang

သိန္နီမြို့နယ် မူပန်မြို့က လူနေရပ်ကွက်တွေကို စစ်ကောင်စီက လေကြောင်းကနေ တိုက်ခိုက်ခဲ့တာကြောင့် လူနေအိမ် နှစ်လုံးနဲ့ အရပ်သားပြည်သူ တစ်ဦးသေဆုံးပြီး ၁၃ ဦး ထိခိုက်ဒဏ်ရာရခဲ့တယ်လို့ ကိုးကန့်တပ်ဖွဲ့ MNDAA က သတင်းထုတ်ပြန်ပါတယ်။

၂၀၂၃ ခုနှစ် ဧပြီ ၂၆ ရက်နေ့ နေ့လယ် ၁ နာရီခွဲမှာ လေယာဉ်နဲ့ နှစ်ကြိမ်ဗုံးကြဲတိုက်ခိုက်ခဲ့တာလို့ ဆိုပါတယ်။

အာဏာသိမ်း စစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်နဲ့ ကုလသမဂ္ဂအတွင်းရေးမှူးချုပ်ဟောင်း ဘန်ကီမွန်းတို့ တွေ့ဆုံပြီး - နိုင်ငံအတွင်း အကြမ်းဖက်မှုတွေ ရပ်ဖို့ပြောဆိုပြီးနောက် စစ်ကောင်စီက ကယားပြည်နယ်၊ ကိုးကန့်ဒေသနဲ့ စစ်ကိုင်းတိုင်း၊ ထီးချိုင့်မြို့နယ် တို့ကို ဧပြီ ၂၅၊ ၂၆ ရက်နေ့တွေမှာ တိုက်လေယာဉ်နဲ့ ဗုံးကြဲ တိုက်ခိုက်ခဲ့တာကြောင့် အရပ်သားပြည်သူ သေဆုံးထိခိုက်မှုတွေ ရှိခဲ့ပါတယ်။

လေယာဉ်နဲ့ ဗုံးကြဲတိုက်ခိုက်မှုတွေကို ဆက်တိုက်ပြုလုပ်ရတဲ့ အကြောင်းအရင်းနဲ့ ပတ်သက်ပြီး စစ်ကောင်စီပြောရေးဆိုခွင့်ရှိသူ ဗိုလ်ချုပ် ဇော်မင်းထွန်းကို RFA က ဖုန်းနဲ့အကြိမ်ကြိမ်ဆက်သွယ်ပေမယ့် ခေါ်ဆိုလို့ မရခဲ့ပါဘူး။

ပြီးခဲ့တဲ့ ဧပြီလ ၁၁ ရက်နေ့က အာဏာသိမ်း စစ်ကောင်စီရဲ့ လေယာဉ်နဲ့ ဗုံးကြဲတိုက်ခိုက်ခဲ့မှုကြောင့် စစ်ကိုင်းတိုင်း ကန့်ဘလူမြို့နယ် ပဇီကြီးကျေးရွာမှာ ကလေးငယ်တွေအပါအဝင် လူပေါင်း ၂၀၀ နီးပါး တစ်နေ့တည်း သေဆုံးခဲ့ရပါတယ်။

ဒီအပေါ်နိုင်ငံတကာက ပြစ်တင်ရှုတ်ချနေပေမယ့် စစ်ကောင်စီကတော့ လေယာဉ်နဲ့ ဗုံးကြဲတိုက်ခိုက်မှုတွေကို ပြင်းပြင်းထန်ထန် ဆက်လက်လုပ်ဆောင်နေပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။