ဂျပန်အဖျော်ယမကာလုပ်ငန်းရှယ်ယာများ ဦးပိုင်ကို ပြန်လည်ရောင်းချမည်

မြန်မာစစ်တပ်ရဲ့ လူ့အခွင့်အရေး ချိုးဖောက်မှုတွေကို စောင့်ကြည့်မှတ်တမ်းတင်နေတဲ့ Justice for Myanmar အဖွဲ့ကတော့ Kirin ကုမ္ပဏီရဲ့ ဆုံးဖြတ်ချက်ဟာ တာဝန်မဲ့ရာရောက်တယ်လို့ ကြေညာချက်ထုတ် ဝေဖန်လိုက်ပါတယ်။

ဒီဆုံးဖြတ်ချက်ဟာ စစ်ကောင်စီကို အကြိုက်တွေ့စေမှာဖြစ်ပြီး၊ ဒီလုပ်ငန်းတွေကနေ စစ်ကောင်စီဟာ ရက်စက်ကြမ်းကြုတ်တဲ့ ရာဇဝတ်မှုတွေ ကျူးလွန်နိုင်ဖို့ ငွေကြေးတွေ ဆက်ရနေလိမ့်မယ်လို့ Justice for Myanmar ပြောခွင့်ရှိသူ မရတနာမောင်က ပြောပါတယ်။

စစ်ကောင်စီငွေကြေးဆက်ရနေမယ့် ဆုံးဖြတ်ချက်ကို Kirin ကုမ္ပဏီအနေနဲ့ ပြန်လည်ပြင်ဆင်ဖို့နဲ့ အလုပ်သမားတွေကို လျော်ကြေးငွေတွေပေးဖို့ ကြေညာချက်ထဲမှာ တောင်းဆိုထားပါတယ်။

Kirin ကုမ္ပဏီအနေနဲ့ မြန်မာနိုင်ငံမှာ အာဏာသိမ်းပြီးနောက်ပိုင်း လုပ်ကိုင်လျက်ရှိတဲ့ လုပ်ငန်းတွေ အရှုံးနဲ့ရင်ဆိုင်ရပြီး ၂၀၂၁ ခုနှစ်မှာ ယန်းငွေ ၆၈ ဘီလီယံ အရှုံးပေါ်ခဲ့တယ်လို့ Nikkei Asia သတင်းစာမှာ ဖော်ပြထားပါတယ်။