မိတ္ထီလာ ဒုက္ခသည်များ အတွက် နေအိမ်များ ဆောက်လုပ်
2013.12.26
မိတ္ထီလာမြို့မှာ ၃ရက်ကြာ ဖြစ်ပွားခဲ့တဲ့ အဓိကရုဏ်းကြောင့် အိုးအိမ်ဆုံးရှုံးခဲ့ရတဲ့ ဒုက္ခသည်များကို မိတ္ထီလာ သာသနဝေ ပုလ္လ ပါဠိတက္ကသိုလ်တိုက်တွင် တွေ့ရစဉ်
ပြီးခဲ့တဲ့ မတ်လက မိတ္ထီလာမြို့မှာ ဖြစ်ပွားခဲ့တဲ့ ပဋိပက္ခမှာ မီးလောင်ပျက်စီးခဲ့တဲ့အိမ်တွေအတွက် အစားထိုးလုံးချင်းအိမ် အလုံးရေ ၁၉၀ ကျော်ကို ပထမအဆင့်အနေနဲ့ စတင်ဆောက်ပေးဖို့ ပြင် ဆင်နေပြီလို့ မိတ္တီလာခရိုင် အုပ်ချုပ်ရေးမှူး က ပြောပါတယ်။
မိတ္ထီလာမြို့က ဒုက္ခသည်စခန်း ၅ ခုမှာ လက်ရှိအချိန် အထိနေထိုင်ကြတဲ့ ဗုဒ္ဓဘာသာနဲ့ မွတ်စလင်ဘာသာဝင် စုစုပေါင်း လေးထောင်ကျော်အတွက် လုံးချင်းအိမ်တွေ အပြင် ၆ ခန်းတွဲတိုက်တွေကိုပါ ဆောက်လုပ်ပေး မှာဖြစ်တယ်လို့ သိရပါတယ်။ မိတ္တီလာခရိုင် အုပ်ချုပ်ရေးမှူး ဦးတင်မောင်စိုးက အစိုးရ၊ ဗုဒ္ဓဘာသာဝင် အလှူရှင်တွေအပြင် ရန်ကုန်အခြေစိုက် MM ရောင်နပ်ပလီ မွတ်စလင်အသင်းတို့ ပူးပေါင်းစီစဉ်တာဖြစ်တယ်လို့ ပြောပါတယ်။
ဒါ့အပြင် ပဋိပက္ခမဖြစ်ခင်ကတည်းက ကျူးကျော်နေထိုင်သူတွေလို့ သတ်မှတ်ခံထားရသူတွေအတွက် လည်း ခြောက်ခန်းတွဲ ၃ ထပ်တိုက် အလုံး ၃၀ ကျော်ကို ဆောက်လုပ်ပေးမယ်လို့ သိရပါတယ်။ ဒီအိမ်ယာဆောက်လုပ်ရေးစီမံကိန်း ကုန်ကျစားရိတ်ဟာ ခန့်မှန်းခြေ ကျပ်သိန်း ၇၀၀ ကျော် ကုန်ကျမှာဖြစ်ပြီး မိုးမကျမီ အပြီးဆောက်လုပ်နိုင်မယ်လို့လည်း ခန့်မှန်းကြောင်း ပြောပါတယ်။
မြန်မာမွတ်စလင် ရောင်နပ်ပလီ အသင်းကိုယ်စားလှယ်၊ အိမ်ယာဆောက်လုပ်ရေးအတွက် ကြီးကြပ်သူ ကိုခင်နန်းကို RFA သတင်းထောက် ကိုကျော်သူ ဆက်သွယ်မေးမြန်းထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ