ဗြောက်အိုးဖောက် ဆန္ဒပြသူ ထောင်ဒဏ် ၈ ရက် စီရင်ခံရ

ရန်ကုန်မြို့ ကုန်သည်ကြီးများ ဟိုတယ်ရှေ့မှာ လက်ပံတောင်းတောင် သပိတ်စခန်း အကြမ်းဖက် ဖြိုခွင်းခံရတဲ့ ၁၆ လပြည့် အထိမ်းအမှတ်အဖြစ် မနေ့က ဗြောက်အိုးဖောက်ဆန္ဒပြခဲ့တဲ့ ကိုအောင်ကိုဦး ကို ကျောက်တံတားမြို့နယ် တရားရုံးက ဒီနေ့ ထောင်ဒဏ် ၈ ရက် ချမှတ်လိုက်ပါတယ်။

ရဲအက်ဥပဒေ ပုဒ်မ ၄၂ အများပြည်သူ အထိတ်တ လန့်ဖြစ်စေမှုနဲ့ အမိန့်ချလိုက်တာဖြစ်တယ်လို့  တရားရုံးချိန်းကို သွားရောက်ခဲ့တဲ့ ရန်ကုန်ပြည်သူ့ အကျိုးဆောင်ကွန်ရက်အဖွဲ့က ကိုဝေဠုက   ပြောပါတယ်။

လက်ပံတောင်းတောင် ကြေးနီစီမံကိန်း ဧရိယာထဲမှာရှိတဲ့ လယ်တီသိမ်တော်ကို စီမံကိန်းနေရာနဲ့ လွတ်ကင်းရာ ကို ပြောင်းရွေ့ဖို့အတွက် ဒေသဆိုင်ရာတာဝန်ရှိသူတွေ က နိုင်ငံတော် သံဃာ့မဟာနာယကအဖွဲ့ရဲ့ ခွင့်ပြုချက်ကို ရယူထားပြီးပြီလို့လည်း သိရပါတယ်။