ဥပဒေ လေးခုကို FDA ရေးဆွဲ


2017.01.10
fda-620.jpg နေပြည်တော်မှာ အစားအသောက်နဲ့ ဆေးဝါးကွပ်ကဲရေးဦးစီးဌာနကကျင်းပတဲ့ သတင်းစာရှင်းလင်းပွဲကို ဇန်နဝါရီလ ၁ဝ ရက်နေ့က တွေ့ရစဉ်
Photo: Win Naung Toe/RFA

အစားအသောက်ဥပဒေ၊ ဆေးပစ္စည်းဥပဒေ၊ အလှကုန်ဥပဒေ၊ အရည်အသွေးစစ်ဆေးတဲ့ ဓာတ်ခွဲခန်းဥပဒေတို့ကို လာမယ့် ဇွန်လအတွင်း အပြီးရေးဆွဲနေကြောင်း အစားအသောက်နဲ့ ဆေးဝါးကွပ်ကဲရေးဦးစီးဌာန ညွှန်ကြားရေးမှူး ချုပ် ဒေါက်တာသန်းထွဋ် က ပြောပါတယ်။

နေပြည်တော် အစားအသောက်နဲ့ ဆေးဝါးကွပ်ကဲရေးဦးစီးဌာနက ဒီနေ့ကျင်းပတဲ့ သတင်းစာရှင်းလင်းပွဲမှာ ညွန်ကြားရေးမှူးချုပ် ဒေါက်တာသန်းထွဋ် က ပြောတာဖြစ်ပါတယ်။

"ဥပဒေပညာရပ်တွေ၊ နိုင်ငံတကာပညာရှင်တွေ ပေါင်းပြီးကျနော်တို့ဆွဲထားတယ်၊ ကျနော်တို့ဥပဒေဘယ်လောက်ခိုင်မာလဲဆိုတာကတော့ ကျနော်တို့ကမ္ဘာရော၊ မြန်မာရောသိအောင် ကျနော်တို့လုပ်နေပါတယ်"

ဒါ့အပြင် အစားအသောက်နဲ့ ဆေးဝါးကွပ်ကဲရေးဦးစီးဌာနက ဆေးဝါးဓာတုဓာတ်ခွဲခန်းဟာ နိုင်ငံတကာ အသိအမှတ်ပြု လက်မှတ်ရရှိထားတဲ့အတွက် အစားအသောက်၊ ဆေးဝါးနဲ့ အလှကုန်ပစ္စည်းတွေကို အရည်အသွေးစစ်ဆေးမှုတွေကို တိတိကျကျ စစ်ဆေးနိုင်တော့မှာ ဖြစ်ကြောင်းလည်း ဒေါက်တာသန်းထွဋ် က ပြောပါတယ်။

နေပြည်တော်မှာရှိတဲ့ အစားအသောက်နဲ့ ဆေးဝါးကွပ်ကဲရေးဦးစီးဌာန၊ ဆေးဝါးဓာတုဓာတ်ခွဲခန်းကို အခု လို နိုင်ငံတကာ အသိအမှတ်ပြုလက်မှတ်ရရှိတာ ပထမဆုံးဖြစ်ပြီး အရှေ့တောင်အာရှမှာရှိတဲ့ ဓာတ်ခွဲခန်းတွေထဲ မှာ အမေရိကန်အခြေစိုက် American National Accreditation Body Accreditation Body ANAB ရဲ့ ပထမဆုံးအသိအမှတ်ပြု ဓာတ်ခွဲခန်းလည်း ဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။