စစ်ပွဲတွေရပ်ပေးဖို့ များများပြောကြဖို့ တိုက်တွန်း

လူငယ်တွေကြားမှာ ပြည်ထောင်စုစိတ်ဓါတ်ဆိုတာကို ဘယ်လောက်အထိ နားလည်ကြသလဲနဲ့ ဆွေးနွေးဖြစ်ကြ သလားဆိုတာကို နိုင်ငံတော်အတိုင်ပင်ခံ ပုဂ္ဂိုလ်က မေးခွန်းမေးပြီး ဦးတည်ဆွေးနွေး ကြတာဖြစ်ပါတယ်။

အင်အားနည်းသူတွေ လူနည်းစုတွေ တာဝန်မသိတာဟာ သက်ရောက်မှု နည်းပေမယ့် အင်အားကြီးမားသူတွေ တာဝန်မသိရင် သက်ရောက် မှုကြီးကြောင်းလည်း ပြောပါတယ်။

၂၀၁၇ ခုနှစ်ကို ငြိမ်းချမ်းရေးနှစ်အဖြစ် သတ်မှတ်နိုင်ဖို့အတွက် အားလုံးက ဝိုင်းဝန်းကူညီကြဖို့ကိုလည်း ဒေါ်အောင် ဆန်းစုကြည်က တိုက်တွန်းခဲ့ပါတယ်။

ဆွေးနွေးမှုထဲမှာ ပါလာတဲ့ အချက်တွေအရ မြန်မာနိုင်ငံပညာရေးစနစ်ရဲ့ အားနည်းချက်တွေကို လည်း ထောက်ပြဆွေးနွေးကြပါတယ်။

ပညာရေးဝန်ကြီးဌာနအနေနဲ့ အရင်ကလို အမှတ်နဲ့ ဆုံးဖြတ်တဲ့ စနစ် မဟုတ်တော့ပဲ အဆင့် အေဘီစီနဲ့ ဆုံးဖြတ်တဲ့စနစ်ကိုသွားဖို့ ပြင်ဆင်နေကြောင်း အဲဒီလို ပြောင်းလဲမှု ကို ကျောင်းသူ ကျောင်းသားတွေက လက်ခံပေမယ့် မိဘတွေက မကြိုက်ကြဘူးလို့သိရကြောင်း လည်း ပြောပါတယ်။

လူငယ်တွေနဲ့ စကားဝိုင်းမစခင်မှာ နိုင်ငံတော်အတိုင်ပင်ခံပုဂ္ဂိုလ်က တိုင်းပြည်ကို နှစ်သစ်ကူး ဆုတောင်း စကားပြောကြားခဲ့ပါတယ်။