မြန်မာကို ကိုဗစ်ကာကွယ်ဆေး အလုံးရေ တစ်သန်း ကမ္ဘောဒီးယား ပို့မည်

RFA Burmese
2023.05.24
မြန်မာကို ကိုဗစ်ကာကွယ်ဆေး အလုံးရေ တစ်သန်း ကမ္ဘောဒီးယား ပို့မည် ၂ဝ၂၁ ခုနှစ် ဖေဖော်ဝါရီလ ၅ရက်နေ့တွင် ရန်ကုန်မြို့ရှိ ကိုဗစ်ကာကွယ်ဆေးထိုးပေးနေသည့် နေရာတစ်ခုတွင် ကာကွယ်ဆေးထိုးပေးနေသည်ကို တွေ့ရစဉ်။
AFP

ကိုဗစ်ကာကွယ်ဆေး အလုံးရေတစ်သန်း မြန်မာနိုင်ငံကို ပေးအပ်မယ်လို့ ကမ္ဘောဒီးယား အစိုးရက ကြေညာပါတယ်။

အဲဒီထိုးဆေးအလုံး တစ်သန်းဟာ လာမယ့် မေလ ၂၆ ရက် သောကြာနေ့မှာ မြန်မာနိုင်ငံကို ရောက်ရှိမယ်လို့ ခမာတိုင်းမ်သတင်းက ဖော်ပြပါတယ်။

အာဆီယံနိုင်ငံ ၁ဝ နိုင်ငံထဲမှာ မြန်မာနိုင်ငံဟာ ခုနစ်နိုင်ငံမြောက် ရောဂါကူးစက်မှု အများဆုံးနိုင်ငံဖြစ်ပါတယ်။

စစ်ကောင်စီ ကျန်းမာရေးဝန်ကြီးဌာနရဲ့ စာရင်းတွေအရ မေလ ၂၄ ရက်နေ့အထိ ရောဂါကူးစက်ခံရသူပေါင်း ခြောက်သိန်း လေးသောင်းလောက်ရှိပြီး၊ သေဆုံးသူ လူဦးရေ နှစ်သောင်းနီးပါးရှိပါတယ်။

ကိုဗစ်ကပ်ရောဂါကို ကမ္ဘာလုံးဆိုင်ရာ အရေးပေါ်အခြေအနေအဖြစ် သတ်မှတ်ထားရာကနေ ပယ်ဖျက်ကြောင်း ကမ္ဘာ့ကျန်းမာရေးအဖွဲ့ WHO က ဒီမေလအစောပိုင်းမှာ ကြေညာထားပါတယ်။

ဒါပေမဲ့ မြန်မာနိုင်ငံမှာတော့ ရောဂါကူးစက်နှုန်းတွေရှိနေဆဲဖြစ်ပြီး၊ တစ်ပတ်အတွင်း အယောက် ၇ဝဝ ကျော်ရောဂါကူးစက်ခံရကြောင်း မေလအစောပိုင်းမှာ စစ်ကောင်စီက ထုတ်ပြန်ပါတယ်။ 

ဒီတစ်ကြိမ်နဲ့ဆိုရင် ကမ္ဘောဒီးယားအစိုးရကနေ မြန်မာနိုင်ငံကို ကာကွယ်ဆေးကူညီတာ သုံးကြိမ်ရှိပါပြီ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။