ရေမဲကြီးနေရာ စစ်ကိုင်းတိုင်းအစိုးရ စစ်ဆေးမည်

စစ်ကိုင်းတိုင်း ခန္တီးမြို့နယ်နဲ့ ဟုမ္မလင်းမြို့နယ်တဝိုက်က ချင်းတွင်းမြစ်ရေထဲမှာ ခဲပါဝင်မှုတွေ များနေတာဟာ ခန္တီးဘက်မှာ အမဲရောင်ရေထွက်တဲ့ တွင်းတတွင်း ပေါ်နေတယ်ဆိုပြီး သတင်းတွေ ထွက်နေတာကြောင့် စစ်ကိုင်းတိုင်းအစိုးရအဖွဲ့က လာမယ့် စက်တင်ဘာလ ၆ ရက်နေ့မှာ သွားရောက် စစ်ဆေးမှာ ဖြစ်ပါတယ်။

ရေမဲကြီး စတင်ဖြစ်ပေါ်တဲ့နေရာ အရင်းအမြစ်ကို သွားရောက်ရှာဖွေပြီး တွေ့ရှိရင် ပြန်လည်ပြုပြင်မှု တွေလုပ်သွား မှာ ဖြစ်တယ်လို့ စစ်ကိုင်းတိုင်းအစိုးရအဖွဲ့ ပတ်ဝန်းကျင်ထိန်းသိမ်းရေးဦးစီးဌာန လက်ထောက် ညွှန်ကြားရေး မှူး ဒေါ်ဥမ္မာမြင့် က ပြောပါတယ်။

"အင်္ဂါနေ့ကိုသွားဖို့ရှိတယ်၊ ထိပ်ပိုင်းအထိလေ၊ ဖေ့စ်ဘွတ်ထဲမှာ တွေ့ထားတယ်၊ အဲ့နေရာမှာ တွင်းကြီးတစ်တွင်းတွေ့တယ်ပေါ့နော်၊ အဲ့တွင်းကြီးကနေပြီးတော့မှ အဲ့လိုမျိုး ဖြစ်နေတယ်ပေါ့၊ အဲ့နေရာလောက်နားအထိ ရောက်အောင်သွားဖို့တော့ စီစဉ်နေတယ်၊ ရေကို ပြန်ကောင်းအောင် လုပ်လို့မရဘူး၊ Treatment မပေးနိုင်ဘူး၊ အဲ့လိုမျိုး Treatmemt မပေးနိုင်ဘူးဆိုတော့ အပေါ်ကနေ ဆင်းလာတဲ့ Source ကို ရှာပြီးတော့မှ အဲ့ Source မှာ ဘာလုပ်လို့ရမလဲဆိုတာမျိုးကို စဉ်းစားရမှာ "