မြေနီကုန်း ခုံးကျော်တံတားပေါ် ရဲကားဗုံးပေါက်
၂၀၂၁၊ ဇူလိုင် ၂ ရက်နေ့က ပေါက်ကွဲမှုဖြစ်ခဲ့တဲ့ ရဲကားတစ်စီးကို ရန်ကုန်မြို့၊ မြေနီကုန်း ခုံးကျော်တံတားပေါ်မှာ တွေ့ရစဉ်
Photo: Citizen Journalist
ရန်ကုန်မြို့၊ မြေနီကုန်း ခုံးကျော်တံတားပေါ်မှာ အာဏာရှင်ဆန့်ကျင်ရေး စာတမ်းကို လာဖြုတ်တဲ့ ရဲကား တစ်စီးဟာ ဒီနေ့ ဇူလိုင် ၂ ရက်နေ့ မနက် ၈ နာရီဝန်းကျင်က ပေါက်ကွဲမှုဖြစ်ခဲ့ပြီး ထိခိုက်ဒဏ်ရာရသူမရှိဘူးလို့ ကိုယ်တိုင်တွေခဲ့တဲ့ အမည်မဖော်လိုသူတစ်ယောက်က RFA ကို ပြောပါတယ်။
"အဲဒီစာကို လာဖြုတ်တယ်။ ကားတစ်စီးလောက်ပဲ ပါတယ်။ ဓာတ်ပုံရိုက်တယ်။ လာဖြုတ်တယ်။ ဖြုတ်ပြီးတော့ ကားနောက်ဖုံးထဲ ထည့်လိုက်တယ်။ ကားနောက်ဖုံးထဲထည့်ပြီး တံခါးတောင် မပိတ်ရ သေးဘူး။ ချက်ချင်းပဲ အဲဒါက ထပေါက်တာပေါ့နော်။" ကိုယ်တိုင်တွေ့သူက ပြောပါတယ်။
အာဏာရှင်ဆန့်ကျင်ရေးစာတမ်းကို လာရောက်ဖြုတ်ယူတဲ့ ရဲကားမှာ စစ်ကောင်စီလက်အောက်ခံ ရဲ လေးယောက် ပါဝင်ပြီး ထိခိုက်သူမရှိဘူးလို့လည်း ဆိုပါတယ်။
ပေါက်ကွဲပြီးနောက်မှာတော့ ရဲတွေ၊ စစ်သားတွေ ရောက်လာပြီး တိုက်တွေကို သေနတ်နဲ့ ချိန်ရွယ်တာ ရှိခဲ့သလို လမ်းတွေကိုလည်း တစ်နာရီဝန်းကျင်လောက် ပိတ်ဆို့ထားခဲ့ပါတယ်။
ပေါက်ကွဲခဲ့တဲ့ ရဲကားကိုတော့ ပြန်လည်မောင်းနှင်သွားတယ်လို့လည်း သိရပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ