ALD ပါတီခေါင်းဆောင် နှစ်ဦး ကို ရွေးချယ်

ဦးကျော်မြင့်ဟာ ၁၉၉၀ ရွေးကောက်ပွဲဝင်ခဲ့စဉ်က ALD ပါတီရဲ့ ဒုတိယဥက္ကဌအဖြစ် တာဝန်ယူခဲ့သူ ဖြစ်ပါတယ်။

ရခိုင်ဒီမိုကရေစီအဖွဲချုပ် ALD ပါတီဟာ ၁၉၉၀ ခုနှစ် ရွေးကောက်ပွဲမှာ ဝင်ရောက်ယှဉ်ပြိုင်ခဲ့ပြီး ရခိုင်ပြည်နယ်မှာ ကိုယ်စားလှယ်အများဆုံး အနိုင်ရခဲ့တဲ့ ပါတီဖြစ်ပါတယ်။

တပ်မတော်အစိုးရလက်ထက်မှာ အမျိုးသားဒီမိုကရေစီအဖွဲ့ချုပ် NLD နဲ့ အတူ အတိုက်အခံအဖြစ် ရပ်တည်ခဲ့ပြီး ၂၀၁၀ ခုနှစ်မှာ ကျင်းပတဲ့ ရွေးကောက်ပွဲကို သပိတ်မှောက်ပြီး ပါတီကို ပြန်လည် မှတ်ပုံမတင်ဘဲ ရွေးကောက်ပွဲ မဝင်ခဲ့တဲ့ ပါတီလည်းဖြစ်ပါတယ်။

အဲဒီနောက် ၂၀၁၂ ခုနှစ်မှာတော့ နိုင်ငံရေး ပါတီအဖြစ် ပြန်လည် မှတ်ပုံတင်ခဲ့ပြီး ၂၀၁၄ ခုနှစ်မှာ ALD ပါတီကို ဖျက်သိမ်းကာ ရခိုင်တိုင်းရင်းသားများ တိုးတက်ရေး ပါတီ RNDPနဲ့ ပူးပေါင်းပြီး ရခိုင်အမျိုးသားပါတီ ANP ကို တည်ထောင်ခဲ့တာဖြစ်ပါတယ်။

နောက်ပိုင်းမှာ နှစ်ဘက်ခေါင်းဆောင်တွေကြား သဘောထား ကွဲလွဲမှုတွေရှိလာပြီး ALD ပါတီဝင်ဟောင်း တချို့ ပါတီကနေ ထုတ်ပယ်ခံခဲ့ရတဲ့အတွက် အရင်ပါတီဟောင်းဖြစ်တဲ့ ALD ပါတီကို ပြန်လည်ထူထောင်ဖို့ ဆောင် ရွက်နေတာဖြစ်ပါတယ်။