ရတနာပုံကျောင်းသား ၇ယောက်ကို အလုပ်နဲ့ ထောင်ဒဏ်တွေ ချမှတ်


2019.02.13
mdy-students-feb13-622.jpg မန္တလေးမြို့ ရတနာပုံတက္ကသိုလ်က ဖမ်းဆီးခံထားရတဲ့ ကျောင်းသား ၇ ဦးကို ၂၀၁၉၊ ဖေဖော်ဝါရီ ၁၃ ရက်နေ့က အမရပူရမြို့နယ် တရားရုံးမှာ ရုံးထုတ်စဉ်
Photo: Khaymani Win/ RFA
အသံဖိုင် နားဆင်ရန်နှင့် ရယူရန်
နားထောင်ရန် အသံဖိုင်ယူရန်

ကျောင်းလုံခြုံရေးနဲ့ ကျောင်းတွင်းသန့်ရှင်းရေး တိုးမြှင့်ပေးဖို့ ရတနာပုံတက္ကသိုလ်ရှေ့ မီးရှို့ဆန္ဒပြခဲ့တဲ့ ရတနာပုံတက္ကသိုလ် ကျောင်းသား ၇ ယောက်ကို အမရပူရမြို့နယ် တရားရုံးက ဒီနေ့ အလုပ်နဲ့ ထောင်ဒဏ်တွေ ချမှတ်လိုက်ပါတယ်။

အဲဒီကျောင်းသားတွေဟာ ကျောင်းတွင်းမှာလည်း ဆန္ဒပြတောင်းဆိုခဲ့ကြသလို မန္တလေးတိုင်း ဝန်ကြီးချုပ် ဒေါက်တာ ဇော်မြင့်မောင် နဲ့ ကျောင်း တာဝန်ရှိသူတချို့ရဲ့ ဓာတ်ပုံတွေကို မီးရှို့ပြီး ဒီဇင်ဘာလ ၂၈ ရက်နေ့က ဆန္ဒပြခဲ့ကြတာဖြစ်ပါတယ်။

အဲဒီလို ဆန္ဒထုတ်ဖော်မှုကြောင့် ကျောင်းသား ၇ ယောက်ကို အမရပူရမြို့နယ် ရဲတပ်ဖွဲ့က ဒုရဲမှူးနဲ့ အထွေထွေအုပ်ချုပ်ရေး ဦးစီးဌာနတို့က နိုင်ငံတော် အကြည်ညိုပျက်စေမှု ပုဒ်မ ၅၀၅(ခ)၊ မီးရှို့မှု ပုဒ်မ ၄၃၅၊ ငြိမ်းစုစီဥပဒေပုဒ်မ ၁၉ တို့နဲ့ တရားစွဲဆိုခဲ့တာဖြစ်ပြီး ဒီနေ့မှာတော့ ပုဒ်မ ၅၀၅(ခ) နဲ့ စွဲဆိုတာကို တရားရုံးက ပယ်ဖျက်လိုက်ပါတယ်။ မီးရှို့မှုပုဒ်မ ၄၃၅ အတွက် အလုပ်နဲ့ ထောင်ဒဏ် ၃လ၊ ငြိမ်းစုစီဥပဒေပုဒ်မ ၁၉ အတွက် အလုပ်နဲ့ ထောင်ဒဏ် ၂လ ချမှတ်ခဲ့ပြီး ပြစ်ဒဏ်တွေကို တစ်ပေါင်းတည်းကျခံဖို့ နဲ့ ချုပ်ရက်တွေ ခံစားခွင့်ရှိတယ်လို့ တရားသူကြီးက ဆုံးဖြတ်ခဲ့တာပါ။

ဒီသတင်းကို RFA သတင်းထောက် မခေမဏီဝင်း နဲ့ ကိုကျော်ထွန်းနိုင် ပေးပို့တာပါ။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။