ཏོག་དབྱིབས་ནད་ཡམས་ཀྱི་བྱུང་ཁུངས་སྐོར་གསལ་བཤད་དགོས་སྐོར་གསུངས་འདུག

འཛམ་གླིང་འཕྲོད་བསྟེན་ལྷན་ཚོགས་གིས་རྒྱ་ནག་གཞུང་ལ་ཏོག་དབྱིབས་ནད་ཡམས་ཀྱི་བྱུང་ཁུངས་སྐོར་གསལ་བཤད་དགོས་པ་དང་གནས་བསྡུས་རེའུ་མིག་ཁག་མཁོ་སྤྲོད་དགོས་སྐོར་གསུངས་འདུག འདི་ནི་རྒྱ་ནག་གི་གྲོང་ཁྱེར་ཝུ་ཧན་ནས་ཕྱི་ལོ་ ༢༠༡༩ ལོར་ཏོག་དབྱིབས་ནད་ཡམས་ཀྱི་ནད་འབུ་བྱུང་པ་ཕྱི་ཟླ་ ༡༢ ཚེས་ ༣༡ ཉིན་ཤེས་རྟོགས་བྱུང་ནས་ལོ་ ༥ འཁོར་བའི་དུས་ཚིགས་འཁེལ་བའི་ཉིན་འཛམ་གླིང་འཕྲོད་བསྟེན་ལྷན་ཚོགས་གིས་རྒྱ་ནག་གཞུང་ལ་ཏོག་དབྱིབས་ནད་ཡམས་ཀྱི་བྱུང་ཁུངས་ཐད་ཕྱི་གསལ་ནང་གསལ་བཟོ་དགོས་པའི་འབོད་སྐུལ་བསྐྱར་ནན་བྱས་པ་ཞིག་ཡིན་པ་རེད། ཐེངས་འདིའི་བདུན་རེའི་དཔྱད་བརྗོད་གླེང་སྟེགས་ཀྱི་ལས་རིམ་ནང་། ནད་ཡམས་ཁྱབ་གདལ་གྱི་རྗེས་སུ་འཛམ་གླིང་ནང་མཇུག་འབྲས་ཇི་ལྟར་བྱུང་ཡོད་མེད་ཐད་སྐྱར་ཞིབ་སླད་ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པ་བཀྲིས་དབང་ཕྱུག་ལགས་དང་། རྩོམ་སྒྲིག་འགན་འཛིན་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པ་འདི་གསན་རོགས་གནང་།
གསར་འགོད་པ། བསྟན་འཛིན་བདེ་སྐྱིད། བཀྲ་ཤིས་དབང་ཕྱུག
རྩོམ་སྒྲིག་པ། རིག་ལྡན་སྒྲོལ་མ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།