ཨ་རི་དང་རྒྱ་གར་གྱི་དབུ་ཁྲིད་རྣམ་གཉིས་ཕོ་བྲང་དཀར་པོར་མཇལ་འཕྲད་ཐོག་མ་གནང་བའི་སྐོར།

ཨ་རིའི་སྲིད་འཛིན་ཌོ་ནལཌི་ཊམཔ་(Donald Trump)མཆོག་གིས་སྲིད་འཛིན་གྱི་ལས་ཡུན་གཉིས་པའི་དམ་འབུལ་གནང་པའི་རྗེས། ཨ་རིའི་སྲིད་འཛིན་ཌོ་ནལཌི་ཊམཔ་དང་རྒྱ་གར་གྱི་སྲིད་བློན་ན་རེན་དྲ་མོ་དྷིས་རྣམ་གཉིས་ཕོ་བྲང་དཀོར་པོར་མཇལ་འཕྲད་ཐོག་མ་གནང་ཡོད་པ་དང་། དབུ་ཁྲིད་རྣམ་གཉིས་ཀྱིས་རྒྱ་གར་དང་ཞི་བདེ་རྒྱ་མཚོའི་མངའ་ཁུལ་དུ་ཞི་བདེ་དང་། དཔལ་འབྱོར་འཕེལ་རྒྱས། བརྟན་ལྷིང་བཅས་ཡར་རྒྱས་གཏོང་རྒྱུའི་མོས་མཐུན་བྱུང་པའི་སྐོར་བསྐྱར་ནན་གནང་ཡོད་ལ། (Quad)་ཞེས་པའི་རྒྱ་གར་དང་ཞི་བདེ་རྒྱ་མཚོའི་ཐོག་ཨ་རི་དང་། རྒྱ་གར། ཉི་ཧོང་། ཨོསི་ཊརེ་ལི་ཡ་(Australia)་བཅས་ཀྱི་དམག་དོན་ཐབས་བྱུས་མཐུན་ཚོགས་ཀྱི་ལས་འགན་དང་གལ་གནད་སྐོར་ལའང་ནན་བརྗོད་དང་དམིགས་བསལ་གྱི་ལས་འགན་ཐོག་ནན་བཤད་གནང་ཡོད། བདུན་ཕྲག་འདིའི་དཔྱད་བརྗོད་གླེང་སྟེགས་ཀྱི་ལས་རིམ་ནང་། ཨེ་ཤེ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གྱི་འགན་འཛིན་གཞོན་པ་བཀྲིས་དབང་ཕྱུག་ལགས་དང་། རྩོམ་སྒྲིག་འགན་འཛིན་བསྟན་འཛིན་བདེ་སྐྱིད་ལགས་ཀྱིས་དེའི་ཐད་དཔྱད་གཞིའི་གླེང་མོལ་ཞུས་པར་གསན་རོགས་གནང་།།

རྩོམ་སྒྲིག་པ། རྡོ་རྗེ་དགྲ་འདུལ།
དྲྭ་ཐོག་སྤེལ་མཁན། ཀླུ་འབུམ།