བོད་ནང་རྒྱ་ནག་གཞུང་གིས་སྐད་གཉིས་སློབ་གསོའི་སྲིད་བྱུས།

གནད་དོན་གླེང་མོལ་གྱི་ལས་རིམ་ནང་།  ཕྱི་ལོ་ ༢༠༢༠ ཟླ་ ༣ ཚེས་ ༥ ཉིན་ཨ་མི་རི་ཀའི་འགྲོ་བ་མིའི་ཐོབ་ཐང་བལྟ་ཞིབ་ཚོགས་པས་བོད་ནང་རྒྱ་ནག་གཞུང་གིས་སྐད་ཡིག་ཐོག་འཛིན་པའི་སྲིད་བྱུས་ཐད་ཉམས་ཞིབ་སྙན་ཐོ་ ༼བོད་ནང་རྒྱ་ནག་གཞུང་གིས་སྐད་གཉིས་སློབ་གསོའི་སྲིད་བྱུས་ཟེར་བ་དེས།  བོད་ཡིག་གི་བསླབ་གཞིའི་མདུན་ལམ་ལ་ཉེན་ཁ་ཕྲད་པ་༽ ཞེས་པ་འདོན་སྤེལ་གནང་བ་དང་འབྲེལ་བའི་ཐད།  ༡༽ བོད་ཀྱི་སྲིད་བྱུས་ཉམས་ཞིབ་ཁང་དུ་བོད་ནང་གི་ཤེས་ཡོན་སྲིད་བྱུས་ཐོག་དམིགས་བཀར་ཉམས་ཞིབ་ཁྱད་ལས་པ་ཀརྨ་བསྟན་འཛིན་ལགས་དང་།   ༢༽ བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་རྒྱལ་ཚོགས་དང་།  ཡོ་རོབ་མཐུན་ཚོགས།  འགྲོ་བ་མིའི་ཐོབ་ཐང་སྡེ་ཚན་གྱི་འགན་འཛིན་འབྲུག་བསྟན་སྐྱིད་ལགས་བཅས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།