བཞུགས་སྒར་དུ་ཤི་ཅི་པིང་ཆེད་ལས་འགུལ།

༄༅།    ། བོད་རང་བཙན་སློབ་ཕྲུག་ཚོགས་པ་དང་། དྷ་ས་ས་གནས་གཞོན་ལྷན་གཉིས་ཀྱིས་སྣེ་ཁྲིད་ནས་ཟླ་འདིའི་ཚེས་༣ཉིན་བཞུགས་སྒར་དྷ་ས་མེག་གྷན་རླངས་འཁོར་འབབ་ཚུགས་ཀྱི་ཁྲོམ་གཞུང་དུ། ཤི་ཅི་པིང་རྒྱ་གཞུང་གི་འགོ་ཁྲིད་ཆགས་སྐབས། ད་ལྟའི་བོད་ནང་གི་ཛ་དྲག་གི་དཀའ་ངལ་སེལ་དགོས་པའི་ལས་འགུལ་ཞིག་སྤེལ་འདུག

ཐོག་མར་ལས་འགུལ་བ་ཚང་མས་ཤི་ཅི་པིང་གི་ངོ་འབག་འགྱོན་པའི་མི་ཞིག་དང་མཉམ་ཁྲོམ་སྐོར་གྲུབ་མཚམས། ཤི་ཅི་པིང་གི་མདུན་དུ། བོད་ནས་རང་ལུས་མེར་སྲེག་བཏང་བའི་བོད་མི་ཁག་ཅིག་སར་འགྱེལ་ཡོད་པ་དང་། ད་ལྟའི་བོད་ནང་གི་ཛ་དྲག་གི་གནས་སྟངས་དེས། ཞི་ཅིན་ཕིང་ལ་སེམས་ནད་ཕོགས་ཏེ་སྨན་པར་སྟོན་གྱི་ཡོད་པ། གཞན་ཡང་ཤི་ཅི་པིང་དེ་སྔོན་ཡང་བརླགས་མྱོང་ཡོད་པ་དང་། ད་ཐེངས་ཀྱང་གློ་བུར་དུ་བརླགས་ནས་ལས་འགུལ་བ་ཚོས་འཚོལ་གྱི་ཡོད་པའི་འཁྲབ་སྟོན་གྱི་རྣམ་པའི་ཐོག་ནས་ལས་གུལ་སྤེལ་འདུག།