ནད་ཡམས་སྔོན་འགོག་ཆེད་མོན་གྷོ་འདོད་རྒུ་གླིང་དུ་བོད་མི་༢༠༠་ཙམ་ཟུར་བཀག
2020.03.25
ནད་ཡམས་སྔོན་འགོག་ཆེད་མོན་གྷོ་འདོད་རྒུ་གླིང་དུ་བོད་མི་༢༠༠་ཙམ་ཟུར་བཀག་བྱས་ཡོད་པ། ༢༠༢༠།༣།༢༥
པདྨ་དངོས་གྲུབ།/RFA
རྒྱ་ནག་ཝུའུ་ཧན་ནས་ཐོན་པའི་ཏོག་དབྱིབས་ནད་འབུ་གསར་བའི་ནད་ཡམས་སྔོན་འགོག་ཆེད་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ་ཕྱི་ནས་འབྱོར་བའི་བོད་མི་༢༠༠་ཙམ་ཟུར་བཀག་བྱས་འདུག
རྒྱ་ནག་ཝུའུ་ཧན་ནས་ཐོག་མར་ཐོན་པའི་ཏོག་དབྱིབས་ནད་འབུ་གསར་བ་དབྱིན་སྐད་དུ་(Covid-19)་ནད་ཡམས། རྒྱ་གར་ནང་ཁྱབ་གདལ་མི་འགྲོ་བའི་སྔོན་འགོག་ཆེད་རྒྱ་གར་རྒྱལ་ཡོངས་ཉིན་གྲངས་༢༡་རིང་ཡོངས་སུ་སྒོ་རྒྱབ་ནས་འགྲོ་བསྐྱོད་བཀག་སྡོམ་བྱས་ཡོད་པ་དང་། ནད་ཡམས་དེ་སྔོན་འགོག་ཆེད་རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་དུ། ཟླ་བ་འདིའི་ཕྱི་ཚེས་༢༤་ཉིན་བར་ཕྱི་ནས་འབྱོར་བའི་དགེ་འདུན་པ་དང་། སློབ་ཕྲུག་བཅས་ཁྱོན་བོད་མི་༢༠༠་ཙམ་ཞིག འདོད་རྒུ་གླིང་བོད་ཁྱིམ་སློབ་ཕྲུག་གི་སྡོད་ཁང་དང་། གཞན་གདན་ས་ཆེན་པོ་དགའ་ལྡན་དང་འབྲས་སྤུངས་གཉིས་ཀྱི་གྲྭ་ཚང་ཁག་བཞིའི་མགྲོན་ཁང་སོགས་ཀྱི་ནང་བདུན་ཕྲག་གཉིས་ཀྱི་རིང་ཟུར་བཀག་གིས་བོད་མི་དེ་དག་ལ་ནད་ཡམས་དེའི་ནད་རྟགས་ཡོད་མེད་བརྟག་དཔྱད་གནང་བཞིན་ཡོད་པ། འདོད་རྒུ་གླིང་ས་གནས་འགོ་འཛིན་ལྷག་པ་ཚེ་རིང་ལགས་ཀྱིས་ཨེ་ཤེ་ཡ་རང་དབང་རླུང་འཕྲིན་ཁང་དུ་འགྲེལ་བརྗོད་གནང་བྱུང་།
ཟུར་བཀག་བྱས་ཡོད་པའི་ཁྲོད་ཀྱི་བློ་བཟང་ཕུན་ཚོགས་ལགས་ཀྱིས་གསུངས་ན། ཁོ་རང་ཉེ་སྔོན་མ་སུ་རི་བོད་ཁྱིམ་སློབ་གྲྭ་གུང་སེང་བཏང་བར་བརྟེན་བུ་ཕྲུག་བསུ་བར་སོང་བ་དང་། ནད་ཡམས་དེ་རང་གཞན་ཀུན་ལ་འགོས་ཁྱབ་མི་འགྲོ་བའི་ཆེད་ཟུར་བཀག་དང་བརྟག་དཔྱད་བྱེད་རྒྱུ་གལ་ཆེན་ཡིན་པ་ངོས་འཛིན་གནང་གི་འདུག
དེ་བཞིན་ཡང་ས་གནས་འཕགས་བོད་གཉིས་ཀྱི་འཕྲོད་བསྟེན་ཚོགས་ཆུང་གིས། གཞིས་ཁོངས་སུ་སྔོན་འགྲོའི་ལས་གཞི་སྤེལ་བཞིན་པ་ནི། ཕྱི་རྒྱལ་ནས་འབྱོར་བའི་བོད་མི་རྣམས་ཀྱི་གྲངས་ཐོ་ཞིབ་འཇུག་དང་། ནད་འབུ་འགོས་ཡོད་མེད་བརྟག་དཔྱད་ཞིབ་འཇུག་གནང་གི་ཡོད་ལ། ད་བར་ནད་རྟགས་ཡོད་པ་གཅིག་ཀྱང་ཐོན་མེད་པ་རྒྱ་གར་ས་གནས་གཞུང་གི་སྨན་ཁང་གི་སྨན་པ་ཨེ་ཇེ་ཧྥན་གྷུ་རེ་ལགས་ཀྱིས་འགྲེལ་བརྗོད་གནང་གི་འདུག
ཟླ་བ་འདིའི་ཕྱི་ཚེས་༡༩་ཉིན་ཀར་ཝར་རྫོང་གི་རྫོང་དཔོན་མཆོག་གིས། མོན་གྷོ་འདོད་རྒུ་གླིང་དུ་ཏོག་དབྱིབས་ནད་དུག་ཁྱབ་གདལ་མི་འགྲོ་བའི་སྔོན་འགོག་ཆེད། རྒྱ་གར་གྱི་ཁྲིམས་གཞི་དོན་ཚན་༡༤༤་ལག་བསྟར་གྱིས་གཞིས་ཁུངས་དེའི་ནང་མི་ལྔ་ལྷག་འདུ་འཛོམས་མི་ཆོག་པའི་བཀོད་ཁྱབ་བཏང་ཡོད་པ་ལྟར། བོད་མི་རྣམས་གཞིས་གྲོང་ནས་ཛ་དྲག་གིས་ཕྱིར་འགྲོ་དགོས་བྱུང་ཚེ་ས་གནས་འགོ་འཛིན་ལས་ཁུངས་ནས་ཆོག་མཆན་ཞུ་དགོས་པ་བཟོས་འདུག
ཡིན་ཡང་འདི་ཚེས་༣༡་ཉིན། ས་གནས་རྫོང་དཔོན་གྱིས། ས་གནས་ཀྱི་གནས་སྟངས་ལ་རྟོག་ཞིབ་གནང་རྗེས་རིམ་པས་ལས་དོན་སྤེལ་ཕྱོགས་ཐག་གཅོད་གནང་རྒྱུ་ཡིན་པ་རེད།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག