བོད་ནས་གདོད་མའི་བསེ་རུའི་རུས་སྒྲོམ་རྙེད་སོན།

༄༅༎མི་ལོ་ས་ཡ་གསུམ་ལྷག་གི་ལོ་རྒྱུས་ལྡན་པའི་ཁ་བའི་ནང་འཚོ་སྡོད་བྱེད་མཁན་བསེ་རུའི་རུས་སྒྲོམ་བོད་ནང་ནས་རྙེད་སོན་བྱུང་བ་དེ་ནི། ཚན་རིག་པས། བསེ་རུའི་རྒྱུད་པ་དེ་ནི་དེ་སྔ་འཛམ་གླིང་གི་ས་གཞི་མང་ཆེ་བ་འཁྱགས་རོམ་གྱིས་ཁེངས་པའི་དུས་རབས་སྐབས་བོད་ནང་འཚོ་གནས་བྱས་ཡོད་པར་ངོས་འཛིན་གནང་གི་ཡོད་པ་རེད།

བསེ་རུ་དེ་ནི་སྤྱིར་བཏང་གི་སེམས་ཅན་དང་མི་འདྲ་བར་ཕྱིར་སྤུ་ཡོད་པ་དང༌། གཟུགས་པོའི་རིང་ཚད་ཕིཀྲི་(Feet) ༡༡ དང་སྟོད་ཞེང་དུ་རིང་ཚད་ཕེ་ཀྲེ་དྲུག་ཡོད་པ། ངོ་གདོང་གི་དཀྱིལ་དུ་ར་ཅོ་ཆེན་པོ་གཉིས་སྐྱེས་ཀྱིི་ཡོད་ཅིང༌། ་་སྣ་ཁུག་གི་སྟེང་གི་ར་ཅོ་དེ་ནི་རིང་ཚད་ཕེ་ཀྲེ་གསུམ་ཙམ་སྐྱེས་ཀྱི་ཡོད་པ་རེད། གནའ་སྔ་མོའི་བསེ་རུ་དེ་དང་དེང་དུས་ཀྱི་བསེ་རུ་མི་འདྲ་བའི་ཁྱད་པར་ནི། ལོ་རྒྱུས་ལྡན་པའི་བསེ་རུ་དེའི་ངོ་གདོང་ཐོག་སྐྱེས་པའི་ར་ཅོ་གཉིས་པོ་དེ་ནི་རིལ་རིལ་མ་ཡིན་པར་་ལེབ་མོ་ཡིན་པ་རེད།

དེ་ཡང་ཨ་རིའི་གྲོང་ཁྱེར་ལོ་སེ་ཨེན་ཇེ་ལེསི་ནང་དུ་ཡོད་པའི་ལོ་རྒྱུས་ལྡན་པའི་རང་འབྱུང་དངོས་བཤམ་འགྲེམས་སྟོན་ཁང་དང༌། རྒྱ་ནག་གི་ཚན་རིག་པའི་ཆེད་ལས་མི་སྣར། ༢༠༠༧ ལོར་བོད་ས་མཐོའི་ནང་ནས་མི་ལོ་ས་ཡ་གསུམ་ལྷག་གི་ལོ་རྒྱུས་ལྡན་པའི་བསེ་རུའི་ཀ་ལི་ཆ་ཚང་ཞིག་དང༌། མ་ལེ་བཅས་རྙེད་སོན་བྱུང་ཡོད་ཅིང༌། དེ་རིང་རེས་གཟའ་པ་སངས་ཉིན་ཚན་རིག་གི་དུས་དེབ་ཐོག་བསེ་རུའི་སྐོར་གནས་ཚུལ་བཀོད་སྤེལ་བྱས་པ་དེ་ཡིས། བསེ་རུ་དེ་ནི་དེ་སྔ་འཛམ་གླིང་འཁྱགས་རོམ་གིས་ཁེངས་ཏེ་གྲང་ངར་གྱི་དུས་རབས་དེའི་སྐབས་དང༌། བོད་ས་མཐོའི་ཁ་བའི་ནང་འཚོ་གནས་ཡོད་པའི་སྐོར་བཀོད་ཡོད་པ་རེད། བསེ་རུ་དེ་ནི་འཕེལ་རྒྱས་འགྲོ་སྟངས་ནི། ངོ་གདོང་གི་དཀྱིལ་དུ་ཡོད་པའི་ར་ཅོ་ལེབ་མོ་དེ་ཡིས་ཁ་བ་ཕྱག་གིན་དུ་རྩི་ཤིང་འཚོལ་ཐབས་བྱེད་ཀྱི་ཡོད་པ་དང། བསེ་རུ་དེ་འབྱུང་འགྱུར་བོད་དང་འཛམ་གླིང་གི་ལྷོ་བྱང་རྩེ་མོ་ནས་གནའ་ཤུལ་གསར་དུ་རྙེད་སྲིད་པའི་སྐོར་གསུང་ཡོད་པ་རེད།