ཨ་རིའི་གྲོས་ཚོགས་ཀྱི་སྔོན་རྩིས་ལྷན་ཚོགས་ནས་བོད་དོན་རྒྱབ་སྐྱོར།
ཨ་རིའི་གྲོས་ཚོགས་གོང་མའི་འཐུས་མི་ Patrick Leahy
ཨེ་ཨེཕ་པི།
ཨ་རིའི་གྲོས་ཚོགས་གོང་མའི་འཐུས་མི་ Patrick Leahy ཡིས་གྲོས་ཚོགས་གོང་མའི་སྔོན་རྩིས་ལྷན་ཚོགས་སུ་ཉེ་ཆར་ལྷན་ཚོགས་དེས་ཨ་རིའི་ཕྱི་སྲིད་ལས་ཁང་གི་སྔོན་རྩིས་ཁྲིམས་གཞི་སྙན་ཐོ་བཏོན་པའི་སྐབས། དེའི་ནང་བོད་ཀྱི་གནད་དོན་དེ་གལ་འགངས་ཆེན་པོ་ཡིན་པ་གསལ་བཤད་བྱས་ཡོད་པ་དང་། ལྷན་ཚོགས་དེས་བཏོན་པའི་སྙན་ཐོ་དེ་བཞིན་ཨ་རི་གཞུང་གིས་སྔོན་རྩིས་ཀྱི་ལམ་སྟོན་ལྟ་བུར་ངོས་འཛིན་བྱེད་ཀྱི་ཡོད་པར་བརྟེན་ཕྱི་སྲིད་ལས་ཁུངས་ཀྱི་ལས་དོན་སྤེལ་ཕྱོགས་ལ་ཡང་གལ་འགངས་ཆེན་པོ་ཞིག་ཆགས་ཀྱི་ཡོད་པ་རེད། སྙན་ཐོ་དེའི་ནང་བོད་ཀྱི་གནད་དོན་སྐོར་དང་དེ་མིན་གྱི་གནད་དོན་ཁག་བཏོན་ཡོད་པའི་ནང་། ཁྲིམས་གཞི་དེ་བརྒྱུད་ནས་སྔོན་རྩིས་ཐོབ་པའི་རྗེས་ཕྱི་སྲིད་ལས་ཁང་གིས་བོད་ཀྱི་དབུ་ཁྲིད་༧གོང་ས་༧སྐྱབས་མགོན་ཆེན་པོ་མཆོག་དང་ཡང་ན་གང་ཉིད་ཀྱི་སྐུ་ཚབ་དང་རྒྱ་ནག་གཞུང་དབར་བོད་ཀྱི་དཀའ་གནད་སེལ་ཐབས་སུ་གྲོས་མཐུན་མ་བྱུང་བར་རྒྱ་ནག་གཞུང་གིས་དབྱེ་བའི་བོད་རང་སྐྱོང་ལྗོངས་དང་། དེ་མིན་གྱི་བོད་མི་གནས་སྡོད་བོད་ཀྱི་ས་ཁུལ་ཁག་དེ་དག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མངའ་སྡེ་དང་རྫོང་སོགས་ཀྱི་ཁོངས་གཏོགས་ཡིན་ལུགས་ཀྱི་ལས་དོན་དང་། ཡིག་ཆ། ས་ཁྲ་སོགས་གང་འདྲ་ཞིག་ཡིན་ཡང་བེད་སྤྱོད་བྱ་མི་ཆོག་པའི་སྐོར་བཀོད་ཡོད་འདུག ཨ་རིའི་གྲོས་ཚོགས་གོང་མའི་སྔོན་རྩིས་ལྷན་ཚོགས་ཀྱིས་བཏོན་པའི་སྙན་ཐོ་དེས་གྲོས་ཚོགས་ཀྱི་སྔོན་རྩིས་ལས་འཆར་ལྷན་ཚོགས་ཀྱིས་ཨ་རིའི་ཕྱི་སྲིད་ལས་ཁང་གིས་སྔོན་རྩིས་མ་དངུལ་བེད་སྤྱོད་ལམ་སྟོན་གནང་ཡོད་ཅིང་། སྔོན་རྩིས་ལྷན་ཚོགས་ཀྱིས་ཨ་རིའི་ཕྱི་སྲིད་ལས་ཁང་གིས་གྲོས་ཚོགས་ཀྱི་སྔོན་རྩིས་ཚོགས་ཆུང་གི་སྙན་ཐོའི་ལམ་སྟོན་བཞིན་མ་དངུལ་བེད་སྤྱོད་བྱ་རྒྱུའི་ཐུགས་རེ་གནང་གི་ཡོད་པ་རེད། གོང་ཞུས་སྙན་ཐོ་དེའི་ཐོག་ནས་ཨ་རིའི་གྲོས་ཚོགས་གོང་མའི་སྔོན་རྩིས་ཚོགས་ཆུང་གིས་བོད་ཀྱི་གནད་དོན་ཐད་རྒྱབ་སྐྱོར་ཤུགས་ཆེ་གནང་བ་ཞིག་མཚོན་ཐུབ་ཡོད་པ་དང་། གྲོས་ཚོགས་གོང་མའི་སྔོན་རྩིས་ཚོགས་ཆུང་གིས་སྤེལ་བའི་གསལ་བསྒྲགས་ཤིག་གི་ནང་ལ་ཡང་། གལ་སྲིད་རྒྱ་ནག་གཞུང་གིས་རྒྱལ་སྤྱིའི་ནང་ཁྲིམས་མཐུན་གྱི་གནས་བབ་ཤིག་བསྐྲུན་དགོས་ཚེ། ངེས་པར་དུ་༧གོང་ས་༧སྐྱབས་མགོན་ཆེན་པོ་མཆོག་དང་ཡང་ན་གང་ཉིད་ཀྱི་སྐུ་ཚབ་དབར་གྲོས་མོལ་བྱ་རྒྱུ་དེ་གལ་འགངས་ཆེ་བའི་གནད་དོན་ཞིག་ཡིན་པ་བཀོད་ཡོད་འདུག །
གསར་འགོད་པ། འཆེ་མེད།
རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། པ་སངས་དོན་ལྡན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག