དངུལ་གྱི་འཛའ་ཐང་སྟངས་འཛིན་བྱེད་མཁན་གྲས་སུ་རྒྱ་ནག་མེད་པ།

༄༅༎ཨ་རིའི་ནོར་སྲིད་ལས་ཁང་གིས་གྲོས་ཚོགས་སུ་ཕུལ་བའི་རྒྱལ་སྤྱིའི་དཔལ་འབྱོར་དང་དངུལ་ལོར་གྱི་འཛའ་ཐང་སྲིད་བྱུས་སྐོར་གྱི་སྙན་ཐོའི་ནང་ རྒྱ་ནག་དེ་བཞིན་དངུལ་ལོར་གྱི་འཛའ་ཐང་སྟངས་འཛིན་བྱེད་མཁན་གྱི་རྒྱལ་ཁབ་གྲས་སུ་མིང་འདོན་གནང་རྒྱུར་ཁས་ལེན་གནང་མེད་པ་རེད།   གཟའ་ པ་སངས་ཉིན་ཨ་རི་གཞུང་གིས་འདོན་སྤེལ་གནང་བའི་སྙན་ཐོ་དེའི་ནང་ རྒྱ་ནག་དེ་བཞིན་དངུལ་ལོར་གྱི་འཛའ་ཐང་ལ་སྟངས་འཛིན་བྱེད་མཁན་གྱི་རྒྱལ་ཁབ་ཤིག་ ཡིན་པའི་དཔང་རྟགས་ཁ་གསལ་གང་ཡང་མེད་ལུགས་འཁོད་ཡོད་པ་རེད། ཡིན་ནའི་མི་མང་ཤོག་སྒོར་གྱི་འཛའ་ཐང་ད་དུང་ཡང་ཧ་ཅང་དམའ་པོ་ཡིན་ཞིང་ མི་མང་ཤོག་སྒོར་གྱི་འཛའ་ཐང་ངེས་པར་དུ་འཕར་ཆ་དགོས་ལུགས་འཁོད་ཡོད་པ་རེད། ད་དུང་སྙན་ཐོ་དེའི་ནང་ རྒྱ་ནག་གི་འགོ་འཁྲིད་ཝུའུ་ཇིང་ཐའོ་ཟླ་བ་སྔོན་མ་ཨ་རིའི་ནང་རྒྱལ་དོན་འཚམས་ གཟིགས་སུ་ཕེབས་པའི་སྐབས་ རྒྱ་ནག་གཞུང་གིས་དངུལ་ལོར་གྱི་འཛའ་ཐང་མུ་མཐུད་ནས་སྲ་བརྟན་གཏོང་རྒྱུ་ཨ་རིའི་ སྲིད་འཛིན་ལ་ཁས་ལེན་གནང་ཡོད་པར་བརྟེན་ ཨ་རི་གཞུང་གིས་འབྲེལ་ཡོད་དེའི་ཐོག་དོ་སྣང་མུ་མཐུད་ནས་གནང་རྒྱུ་ཡིན་ལུགས་ འཁོད་ཡོད་པ་རེད། སྙན་ཐོ་དེའི་ནང་འཛམ་གླིང་ཡུལ་གྲུ་ཁག་ཅིག་གིས་མ་རྩ་བརྟན་པོ་ཡོང་རྒྱུར་དངུལ་ གྱི་ར་འཛའ་ཐང་ལ་སྟངས་འཛིན་བྱེད་ཀྱི་ཡོད་པའི་གནས་སྟངས་ཡོད་མུས་དང་ ལྷག་པར་དུ་ལྷོ་ཀུ་རི་ཡ་སོགས་ཡུལ་གྲུ་ཁག་ཅིག་གིས་དཔལ་འབྱོར་ཚད་ལས་བརྒལ་བའི་ འཕེལ་རྒྱས་འོག་དངུལ་ལོར་གྱི་འཛའ་ཐང་ཐོག་སྟངས་འཛིན་བྱེད་ཡས་ཉུང་དུ་གཏོང་དགོས་ པའི་སྐོར་ཡང་འཁོད་ཡོད་འདུག ཨ་རིའི་ནོར་སྲིད་ལས་ཁང་གིས་གྲོས་ཚོགས་སུ་ཕུལ་བའི་སྙན་ཐོ་དེར་ ཨ་རིའི་གྲོས་ཚོགས་ཀྱི་འཐུས་མི་མང་པོས་སྐྱོན་བརྗོད་བྱེད་བཞིན་ཡོད་འདུག།