པེ་ལེ་སི་ཀྲིན་མཉམ་འབྲེལ་རྒྱལ་ཚོཌ་སུ་གཞུག་རྒྱུའི་གྲོས་བསྡུར།

༄༅༎པེ་ལེ་སི་ཀྲིན་ཡིས་མཉམ་སྦྲེལ་རྒྱལ་ཚོགས་ནང་ཚོགས་བཞུགས་འཐུས་མིའི་གདན་ཐོབ་གྱི་སྙན་ཞུ་ཕུལ་བ་དེའི་ཐད་རྒྱལ་ཚོགས་ཀྱི་བདེ་འཇགས་ལྷན་ཚོགས་ཀྱིས་དེ་རིང་ནས་གྲོས་བསྡུར་དབུ་འཛུགས་གནང་ཡག་རེད་འདུག།
ཨ་མི་རི་ཀས་པེ་ལེ་སི་ཀྲིན་རྒྱལ་ཁབ་གསར་འཛུགས་བྱ་རྒྱུའི་གནད་དོན་དེ་བཞིན་ཨིསི་རེལ་དང་པེ་ལེ་སི་ཀྲིན་གཉིས་དབར་ཐད་ཀར་གྲོས་མོལ་གྱི་ལམ་ནས་ཐག་གཅོད་ཐུབ་རྒྱུ་ཡིན་སྐོར་ནན་བརྗོད་གནང་སྟེ། པེ་ལེ་སི་ཀྲིན་ལ་མཉམ་སྦྲེལ་རྒྱལ་ཚོགས་ནང་ཚོགས་ཞུགས་རྒྱལ་ཁབ་ཀྱི་ཐོབ་ཐང་སྤྲོད་རྒྱུའི་གྲོས་ཆོད་བྱུང་བ་ཡིན་ན། ཨ་རིས་ཆོད་དོན་ཁྲུ་སློག་གཏོང་བའི་དབང་ཚད་བེད་སྤྱོད་གཏོང་རྒྱུའི་ཉེན་བརྡ་བཏང་གནང་ཡོད་པ་རེད།
ཨ་རིའི་སྲིད་འཛིན་ཨོ་བ་མ་མཆོག་ནས་ཀྱང་མཉམ་སྦྲེལ་རྒྱལ་ཚོགས་ཀྱིས་པེ་ལེ་སི་ཀྲིན་ལ་ཚོགས་བཞུགས་འཐུས་མི་ཐོབ་ཐང་གནང་རྒྱུའི་ཐབས་ཤེས་གནང་བཞིན་པ་དེ་ནི་དངོས་འབྲེལ་མ་ཡིན་པའི་འཕྲུལ་སྣང་གི་མགྱོགས་ལམ་ཞིག་ཡིན་པ་དང༌། ཐབས་ཤེས་དེས་ཨིསི་རེལ་དང་ པེ་ལེ་སི་ཀྲིན་གཉིས་དབར་དོན་དམ་གྱི་ཞི་བདེ་ཕུགས་འཕེར་ལྡན་པ་ཞིག་ཡོང་རྒྱུའི་དོན་འབྲས་སོན་རྒྱུ་མིན་སྐོར་གསུངས་ཡོད་པ་རེད།
པེ་ལིསི་ཀྲིན་གྱི་རྩོད་རྙོག་ཐད་བར་འདུམ་གནང་མཁན་བཞི་ མཉམ་སྦྲེལ་རྒྱལ་ཚོགས་དང་ ཨ་རི། ཡུ་རོབ་སྤྱི་མཐུན་ཚོགས་པ་དང་ཨུ་རུ་སུ་བཅས་ཀྱིས་ ཨིསི་རེལ་དང་པེ་ལིསི་ཀྲིན་གཉིས་དབར་གང་མགྱོགས་གྲོས་མོལ་ཡོང་ཐབས་གནང་བཞིན་ཡོད་ཅིང༌། རེས་གཟའ་པ་སངས་ཉིན་གོང་ཞུས་ཕྱོགས་བཞི་པོས་ ད་ནས་ཟླ་བ་གཅིག་ནང་ཚུད་ཕྱོགས་གཉིས་དབར་ ཞི་བའི་གྲོས་མོལ་ཞིག་འགོ་འཛུགས་གནང་སྟེ་། ལོ་འདིའི་ནང་ཐག་གཅོད་ཞིག་ཡོང་བ་གནང་རྒྱུའི་འཆར་གཞི་ཞིག་བཏོན་གནང་ཡོད་པ་རེད།