གའ་ཛ་ནང་གི་དཀའ་རྙོག་སེལ་ཆེད་ཛ་དྲག་གི་ཚོགས་འདུ།

༄༅༎མཉམ་སྦྲེལ་རྒྱལ་ཚོགས་ཀྱི་ཆེས་མཐོའི་འགྲོ་བ་མིའི་ཐོབ་ཐང་ལྷན་ཁང་ནས་གའ་ཛ་ནང་གི་དཀའ་རྙོག་ཐོག་གོ་བསྡུར་གནང་རྒྱུའི་ཆེད་དུ་ཛ་དྲག་གི་ཚོགས་འདུ་ཞིག་སྐོངས་ཚོགས་གནང་རྒྱུ་ཡིན་པ་རེད་བཞག

དེ་ཡང་མཉམ་སྦྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་གི་ཚོགས་མི་བཞི་ཅུ་ཞེ་བདུན་ཡོད་པ་ནས་གསུམ་ཆ་གཉིས་ཙམ་གྱིས་བདུན་ཕྲག་འདིའི་རེས་གཟའ་པ་སངས་ཉིན་ཉེ་ཆར་ཨིསི་རའེལ་གྱི་དམག་དཔུང་ནས་གའ་ཛ་ཐོག་རྒོལ་གདུང་བཏང་ནས་མི་མང་དྲུག་བརྒྱ་ལྷག་ཙམ་རྐྱེན་འདས་སུ་བཏང་བ་སོགས་ཀྱི་གནད་དོན་ཐོག་དམིགས་བསལ་གྱི་ཚོགས་འདི་དེ་སྐོངས་འཚོགས་གནང་རྒྱུའི་རེ་འདུན་གནང་ཡོད་པ་རེད། དེ་ཡང་ཕྱི་ལོ་༡༠༠༦ལོའི་ནང་མཉམ་སྦྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་བསྐྱར་ཞིབ་གནང་བའི་རྗེས་ནས་ད་བར་ཨིསི་རའེལ་གྱི་གནད་དོན་ཐོག་སྐྱོན་བརྗོད་འཁོད་པའི་གྲོས་ཆོད་རིམ་པ་གསུམ་བཞག་ཡོད་པ་རེད། འོན་ཀྱང་ད་རེས་སྐོངས་འཚོགས་གནང་རྒྱུའི་དམིགས་བསལ་གྱི་ལྷན་ཚོགས་དེའི་ཐོག་འགྲོ་བ་མིའི་ཐོབ་ཐང་ཚོགས་འདུ་དེར་ཨ་མི་རི་ཀས་སྐྱོན་བརྗོད་གནང་རྒྱུ་དང་སྦྲགས་སླད་ཕྱི་ལྷན་ཚོགས་དེ་ཚོའི་ནང་ཨ་མི་རི་ཀ་མཉམ་ཞུགས་གནང་རྒྱུ་ཉུང་དུ་གཏོང་རྒྱུའི་དགོངས་པ་བཞེས་ཀྱི་ཡོད་ཅེས་གསུངས་ཡོད་པ་རེད།