རྒྱ་ནག་རྒྱལ་སྟོན་ཉིན་བཙན་བྱོལ་གནས་འཁོད་བོད་མིས་ངོ་རྒོལ།

༄༅༎ཟླ་བ་བཅུ་པའི་ཚེས་གཅིག་རྒྱ་ནག་གི་རྒྱལ་སྟོན་དུས་ཆེན་ཉིན་བོད་མི་བཙན་བྱོལ་གནས་ཡུལ་གང་སར་རྒྱ་ནག་གཞུང་གིས་ད་བར་བོད་ཐོག་ལ་འཛིན་པའི་དྲག་གནོན་གྱི་སྲིད་ཇུས་ལ་ངོ་རྒོལ་གྱི་ལས་འགུལ་སྤེལ་བ་བཞིན་འདི་ག་ཨ་མི་རི་ཀའི་རྒྱལ་ས་ལྦ་ཤིང་ཀྲོན་དུ་བོད་མི་དང་ལོའུ་སེ། འབར་མ། ཤར་ཏུར་ཀི་སི་ཐན། སོག་པོ། རྒྱ་རིགས་དམངས་གཙོ་དོན་གཉེར་ཅན་སོགས་ནས་མི་དམངས་ལྔ་བརྒྱ་ལྷག་འདུ་འཛོམས་ཀྱིས་ངོ་རྒོལ་ལས་འགུལ་སྤེལ་ཡོད་པ་རེད།

དེ་ཉིན་ཨེ་ཤེ་ཡའི་མཉམ་འབྲེལ་ཚོགས་པ་ཟེར་བས་གོ་སྒྲིག་བྱས་ཏེ་རྒྱལ་ས་ལྦ་ཤིང་ཀྲོན་དུ་ཡོད་པའི་རྒྱ་ནག་གཞུང་ཚབ་ཁང་མདུན་དུ་སྔ་དྲོའི་ཚོུད་བཅུ་གཅིག་ནས་དང་པོ་བར་ཚོུད་གསུམ་གྱི་རིང་ལ་ངོ་རྒོལ་ལས་འགུལ་སྤེལ་ཏེ་ཁོང་ཚོས་བོད་རང་བཙན་ཡིན། རྒྱ་ནག་མི་བོད་ནས་ཕྱིར་ལོག་དགོས། བོད་དང་ཤར་ཏུར་ཀི་སི་ཐན་ནང་དུ་རྒྱ་མི་སྡོད་དགོས་དོན་མེད་ཟེར་བའི་སྐད་འབོད་བྱས་ཡོད་པ་རེད།

རེས་གཟའ་ཕུར་བུ་ཕྱི་ཟླ་བཅུ་པའི་ཚེས་གཅིག་ཉིན་ལ་འདི་ག་རྒྱལ་ས་ལྦ་ཤིང་ཀྲོན་དུ་རྒྱ་ནག་གཞུང་ཚབ་ཁང་གི་མདུན་དུ་སྔ་དྲོའི་ཚོུད་བཅུ་གཅིག་ནས་དང་པོ་བར་ལ་ཨེ་ཤེ་ཡའི་མཉམ་འབྲེལ་ཚོགས་པ་ཟེར་བས་ངོ་རྒོལ་ལས་འགུལ་གོ་སྒྲིག་གནང་བ་དང་དེ་རྗེས་ཚོུད་དང་པོ་ནས་ལྔ་པ་བར་ཤར་ཏུར་ཀི་སི་ཐན་དང་བོད་མི་ཚོས་ངོ་རྒོལ་བྱས་པའི་རྗེས་མུ་མཐུད་ཚོུད་དྲུག་པ་བར་ནས་རྒྱལ་སའི་མངའ་ཁུལ་གྱི་བོད་རིགས་སྤྱི་མཐུན་ཚོགས་པ་དང་གཞོན་ནུ་ཚོགས་པ། བོད་རང་དབང་སློབ་ཕྲུག་ཚོགས་པ་བཅས་ཀྱིས་ངོ་རྒོལ་ལས་འགུལ་གོ་སྒྲིག་གནང་ཡོད་པ་རེད།