ཡོངས་འཛིན་ཞེས་བོད་ཡིག་འཚོལ་བཤེར་མ་ལག་བསྐྲུན་བཞིན་པ།

བོད་ནང་བོད་ཡིག་ཚིག་དོན་འཚོལ་ཞིབ་ཀྱི་ཡོངས་འཛིན་བོད་ཡིག་འཚོལ་བཤེར་མ་ལག་གི་ལས་གཞི་གསར་པ་སྤེལ་བཞིན་པ།
དེ་ཡང་རྒྱ་ནག་གཞུང་གིས་Cloud Tibetཞེས་པའི་དྲ་རྒྱའི་ཐོག བོད་ཡིག་གི་ཚིག་དང་དོན་འཚོལ་ཞིབ་བྱེད་པར་ཡོངས་འཛིན་བོད་ཡིག་འཚོལ་བཤེར་མ་ལག གསར་པ་ཞིག་གི་ཚོད་ལྟ་བྱ་རྒྱུ་འགོ་འཛུགས་བྱས་ཡོད་པ་དང་། ཕྱི་ལོ་༢༠༡༦ལོའི་ལོ་དཀྱིལ་དུ་དངོས་སུ་འགྲེམས་སྤེལ་བྱ་རྒྱུ་ཡིན་ལུགས་བཤད་འདུག དེ་བཞིན་Cloud Tibet
ཡོངས་འཛིན་ཞེས་བོད་ཡིག་འཚོལ་བཤེར་མ་ལག་་གི་ལས་གཞི་དེ་ནི་ཐོག་མར་ཕྱི་ལོ་༢༠༡༣ལོའི་ཕྱི་ཟླ་བཞི་པའི་ནང་འགོ་འཛུགས་བྱས་ཡོད་པ་དང་། ད་ཆ་བོད་ཡིག་ཚིག་དོན་འཚོལ་ཞིབ་ཀྱི་ལས་གཞིའི་རེའུ་མིག་གསར་པ་དེ་འདོན་སྤེལ་བྱེད་ཆོག་ཆོག་ཡོད་སྐོར། རྒྱ་ནག་གི་ཧ་ནན་ཞིང་ཆེན་གྱི་བོད་ཡིག་ཡར་རྒྱས་གོང་འཕེལ་ལས་ཁང་གི་གཙོ་འཛིན་ཚེ་ལྷོ་ལགས་ཀྱིས་གསུངས་འདུག
ལས་གཞི་དེ་བཞིན་མཚོ་སྔོན་ཞིང་ཆེན་གྱི་མཚོ་ལྷོ་བོད་རིགས་རང་སྐྱོང་ལྗོངས་ཁུལ་གྱི་བོད་ཡིག་ཞིབ་འཇུག་བསྟི་གནས་ཁང་གི་ལས་བྱེད་༡༥༠ཙམ་ཀྱིས་གཙོ་བོ་སྣེ་ཁྲིད་གནང་ཡོད་པ་དང་། མ་འོངས་པར་མི་མང་ས་ཡ་གཅིག་དང་གྲངས་ཆུང་༢ཙམ་ཀྱིས་བོད་ཡིག་ཚིག་མཛོད་མ་ལག་དེ་བེད་སྤྱོད་བྱེད་སྲིད་ལུགས་ཚེ་ལྷོ་ལགས་ཀྱིས་གསུངས་འདུག
གནས་ཚུལ་ལྟར་ན། སྤྱི་ཟླ༡པོའི་ཚེས༦ཉིན། མཚོ་ལྷོ་ཁུལ་བོད་སྐད་ཡིག་བྱ་བའི་ཨུ་ཡོན་ལྷན་ཁང་གིས་རྩ་འཛུགས་བྱས་ཏེ་ཡོངས་འཛིན་བོད་ཡིག་འཚོལ་བཤེར་མ་ལག་འཛུགས་སྐྲུན་ལས་གཞིའི་དུས་སྐབས་དང་པོའི་བཟོ་བཀོད་ཀྱི་ཞིབ་བཤེར་གྲོས་ཚོགས་བསྡུས་ཡོད་པ་རེད།
ཡོངས་འཛིན་བོད་ཡིག་འཚོལ་བཤེར་མ་ལག་འཛུགས་སྐྲུན་ནི་མཚོ་ལྷོ་ཁུལ་གྱི་ལས་གཞི་གལ་ཆེན་ཞིག་ཡིན་པ་བོད་ནང་གི་དྲ་ལམ་ཁག་ན་གནས་ཚུལ་འཁོད་འདུག

གསར་འགོད་པ་ཚེ་དབང་དངོས་གྲུབ།