ས་ཡོམ་གྱི་གནོད་འཚེ་ཕོག་མི་མང་པོ་ད་དུང་རས་གུར་ནང་བསྡད་འདུག

དར་རྩེ་མདོའི་ས་ཡོམ་གྱི་གནོད་འཚེ་ཕོག་ཁུལ་ལ་མི་མང་པོ་ད་དུང་ཡང་གྲང་ངར་ཆེ་བའི་གནམ་གཤིས་ཁྲོད་རས་གུར་ནང་བསྡད་འདུག
དེ་ཡང་འདི་ག་རླུང་འཕྲིན་ཁང་གི་གསར་འགོད་པས་གནས་ཚུལ་སྤེལ་བ་ལྟར་ན། ༢༠༡༤ལོའི་ཕྱི་ཟླ་༡༡པའི་ཚེས་༢༢ཉིན་གྱི་དགོང་མོར་དཀར་མཛེས་ཁུལ་དར་རྩེ་མདོར་ས་ཡོམ་ཤུགས་ཚད་རིམ་པ་༦དང་གྲངས་ཆུང་༣བྱས་པ་ཞིབ་བརྒྱབ་ཏེ་མ་མཐར་ཡང་མི་༥རྐྱེན་འདས་སུ་ཕྱིན་ཡོད་པ་དང་། མི་མི་ཉུང་བ་ཞིག་ལ་ཚབས་ཆེ་ཆུང་མི་འདྲ་བའི་རྨས་སྐྱོན་ཕོག་ཡོད་པ་མ་ཟད། ཁང་པ་ལོག་པ་སོགས་ཀྱི་གནོད་འཚེ་ཆེ་ཆུང་མི་འདྲ་བ་ཕོག་ཡོད་པ་རེད།
གནོད་འཚེ་ཕོག་པའི་གནད་དོན་དེ་དང་འབྲེལ་བའི་སྐོར་ལ་ད་ལྟ་རྒྱ་ནག་ཟི་ཁྲོན་ཞིང་ཆེན་ཁྲིན་ཏུ་གྲོང་ཁྱེར་ནང་བཞུགས་མཁན་དང་། ཉེ་ཆར་དར་རྩེ་མདོར་ས་ཡོམ་གྱི་གནོད་འཚེ་ཕོག་སར་ཟ་བཅའ་སོགས་རོགས་རམ་གནང་མཁན་གྲས་མིང་ཕྱིར་འདོན་གནང་མེད་པའི་བོད་པའི་བོུད་ཅིག་གིས་བརྗོད་དོན། དར་རྩེ་མདོ་གྲོང་ཚོའི་ཕྱི་ཕྱོགས་སུ་ཁང་པ་སོགས་ཀྱི་གནོད་འཚེ་ཕོག་པའི་བོད་པ་དང་། རྒྱ་མི་མང་པོ་ཞིག་ད་དུང་ཡང་གྲང་ངར་ཆེ་བའི་གནམ་གཤིས་འདིའི་ནང་རས་གུར་ནང་བསྡད་ཡོད་ལུགས་དང་། དེའི་ཁུལ་དུ་རྒྱ་མིའི་དམག་མི་མང་པོ་ཡོད་པ་དང་གང་བྱུང་གིས་འདྲ་པར་སོགས་རྒྱབ་མི་ཆོག་པ་དེ་བཞིན་ཁོང་ཚོར་ཅ་དངོས་མང་པོ་སྤྲད་ཡོད་ལུགས་སོགས་ངོ་སྤྲོད་བྱས་འདུག

གསར་འགོད་པ་ཚེ་བརྟན་རྡོ་རྗེ།