བོད་མི་ཚོས་མཉམ་འབྲེལ་རྒྱལ་ཚོགས་མདུན་བོད་དོན་ངོ་རྒོལ་སྐད་འབོད།

བོད་མི་ཚོས་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་མདུན་བོད་དོན་ངོ་རྒོལ་སྐད་འབོད་བྱས་འདུག
དེ་ཡང་ཕྱི་ཟླ་དགུ་པའི་ཚེས་༡༤ཉིན་སུད་སི་གྲོང་ཁྱེར་ཇི་ནི་ཝའི་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་ཁང་མདུན་སུད་སི་ས་གནས་གང་ས་ནས་བོད་མི་དང་བོད་དོན་རྒྱབ་སྐྱོར་བ་འཕོན་ཆེ་འདུ་འཛོམས་ཀྱིས་བོད་ནང་གི་ཛ་དྲག་གནས་སྟངས་ཐད་རྒྱ་ནག་གཞུང་ལ་ངོ་རྒོལ་གྱི་ལས་འགུལ་ཞིག་སྤེལ་ཡོད་འདུག
དེ་ཡང་གཙོ་བ་རིང་མིན་ཕྱི་ཟླ་བཅུ་གཅིག་པའི་ནང་འགྲོ་བ་མིའི་ཐོབ་ཐང་ལྷན་ཚོགས་ཀྱིས་རྒྱ་ནག་ཐོག་འགྲོ་བ་མིའི་ཐོབ་ཐང་གནས་སྟངས་སྐོར་འདྲི་ཞིབ་རིམ་པ་གཉིས་པ་དེ་བྱེད་ཀྱི་ཡོད་ཅིང་། དེའི་ཐོག་བོད་མི་དང་བོད་དོན་རྒྱབ་སྐྱོར་བ་གཙོ་བོར་གྱུར་བའི་གཞུང་འབྲེལ་མིན་པའི་ཚོགས་སྡེ་ཁག་གིས་རྒྱ་ནག་གཞུང་གིས་བོད་ནང་གི་བོད་མི་ཚོའི་འགྲོ་བ་མིའི་ཐོབ་ཐང་ལ་རྩིས་མེད་རྡོག་རོལ་གཏོང་བཞིན་པའི་གནས་སྟངས་མུ་མཐུད་ནས་ཡོད་མུས་ཐོག བོད་མིའི་ཆོས་དང་རིག་གཞུང་རྩ་མེད་བཟོ་ཐབས་དང་བོད་མི་ཚོའི་འགྲོ་འོང་ལ་བཀག་སྡོམ་ནན་པོ་བྱེད་བཞིན་པའི་སྐོར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་སུ་ཕུལ་ནས་རྒྱ་ནག་གཞུང་ལ་དྲི་ཞིབ་གནང་རྒྱུའི་དགོས་འདུན་བཏོན་བཞིན་ཡོད་འདུག

གསར་འགོད་པ་འཆི་མེད།