ཨ་མི་རི་ཀའི་ཕྱི་སྲིད་དྲུང་ཆེ་མཆོག་གིས་རྒྱ་ནག་གི་དཔོན་རིགས་ལ་བོད་ཀྱི་གནད་དོན་ཐོག་བློ་འཚབ་ཡོད་སྐོར་གསུངས་པ།

དེ་ཡང་རྒྱལ་ཁབ་གཉིས་ཀྱི་དཔོན་རིགས་བར་རེས་གཟའ་ཕུར་བུ་དང་པ་སངས་བཅས་ཉིན་གཉིས་རིང་་གྲོས་མོལ་ལྷན་ཚོགས་ཤིག་གནང་ཡོད་པ་དང་ལྷན་ཚོགས་ཐོག་མར་འགོ་འཛུགས་སྐབས་ནས་རྒྱལ་སྤྱིའི་གསར་འགོད་ཀྱི་མདུན་ཕྱོགས་གཉིས་ཀྱི་དཔོན་རིགས་ཀྱི་བར་འཁྲུག་རྩོད་ཀྱི་རྣམ་པ་ཤུགས་ཆེ་ཞིག་གསལ་སྟོན་བྱུང་ཡོད་པ་རེད། ཐེངས་འདིའི་ལྷན་ཚོགས་དེ་ནི་ཨ་མི་རི་ཀའི་ནང་སྲིད་འཛིན་Biden གི་གཞུང་འཛིན་གསར་པ་སླེབས་པའི་རྗེས་ཨ་མི་རི་ཀའི་གཞུང་གི་ཕྱི་འབྲེལ་དཔོན་རིགས་ནས་རྒྱ་ནག་གི་ཆེས་མཐོའི་ཕྱི་འབྲེལ་དཔོན་རིགས་དང་དངོས་སུ་ལྷན་ཚོགས་གནང་བ་ཐོག་མ་དེ་ཡིན་པ་དང་། ཕྱི་སྲིད་དྲུང་ཆེ་Antony Blinken གིས་ལྷན་ཚོགས་མཇུག་བསྡོམ་གྱི་གསར་འགོད་ལྷན་ཚོགས་སར། ང་ཚོས་རྒྱ་ནག་གི་དཔོན་རིགས་དང་གྲོས་མོལ་ལ་མ་བཞུགས་གོང་ནས་རྒྱ་ནག་དང་རྩ་དོན་མི་མཐུན་པའི་གནད་དོན་དཔེར་ན་རྒྱ་ནག་གིས་ཤིང་ཅང་ནང་ལག་བསྟར་བྱེད་བཞིན་པའི་སྲིད་བྱུས་དང་གཞན་ཡང་ཧོང་ཀོང་དང་བོད། ཐེ་ཝན་གྱི་གཙོས་པའི་དྲྭ་རྒྱའི་ཐོག་སིམ་འཛུལ་བྱས་པའི་གནད་དོན་བཅས་པའི་རྩ་དོན་དུ་མ་ཞིག་ཐོག་གྲོས་མོལ་བྱས་སྐབས་རྒྱ་ནག་གི་འདོད་བློར་འགྲོ་རྒྱུ་མིན་པ་ངོས་འཛིན་གསལ་པོ་ཡོད་པ་ལྟར་དང་། གནད་དོན་དེ་རྣམས་གླེང་སྐབས་རྒྱ་ནག་གི་དཔོན་རིགས་ཀྱི་ངོས་ནས་གནད་དོན་དེ་དག་ཐད་དག་གསལ་བྱ་ཐབས་ཀྱི་འབད་བཙོན་ལ་ཧང་སང་དགོས་པ་གང་ཡང་མ་བྱུང་ཞེས་གསུངས་ཡོད་པ་རེད།།