བོད་ཀྱི་རྒྱལ་དར་ཨ་རིའི་གྲོང་སྡེ་ལས་ཁུངས་ཞིག་གི་མདུན་སྒྲེང་འཛུཊ།

ཨ་རིའི་(California)མངའ་སྡེའི་(Richmond)གྲོང་སྡེ་ལྷན་ཚོཊ་ཀྱིས་ལས་ཁུངས་མདུན་བོད་ཀྱི་རྒྱལ་དར་སྒྲེང་འཛུགས་གནང་རྒྱུ་རེད།
ཨ་རིའི་ནུབ་རྒྱུད་དུ་ཆགས་པའི་(California)མངའ་སྡེའི་(Richmond)གྲོང་སྡེ་ལས་ཁུངས་ཀྱིས་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་ཉིན་ནས་བཟུང་བདུན་ཕྲག་གཅིག་རིང་གྲོང་སྡེ་ལས་ཁུངས་མདུན་དུ་བོད་ཀྱི་རྒྱལ་དར་འགྲེངས་འཛུགས་གནང་རྒྱུའི་ཞལ་བཞེས་གནང་འདུག
འདི་ག་རླུང་འཕྲིན་ཁང་གི་ཨ་རི་བྱང་ཕྱོགས་ཀྱི་གསར་འགོད་པ་བཀྲིས་དབང་ཕྱུག་ལགས་ཀྱིས་གནས་ཚུལ་བཏང་བ་ལྟར་ན། ཕྱི་ཟླ་གསུམ་པའི་ཚེས་༡སྟེ་བོད་ཀྱི་ལོ་གསར་ཚེས་༣་ཉིན་བྱང་ཀེ་ལི་ཕོར་ནི་ཡའི་བོད་རིགས་སྤྱི་མཐུན་ཚོགས་པའི་ཚོགས་གཙོ་སྐལ་བཟང་ཕུན་ཚོགས་ལགས་དང་། རྒྱུན་ལས་ཚོགས་མི་བཅས་ཀྱིས་(Richmond)གྲོང་སྡེ་ལྷན་ཚོགས་ཀྱི་སྤྱི་ཁྱབ་པ་སྐུ་ཞབས་(Tom Butt)མཆོག་ལ་ལོ་གསར་འཚམས་འདྲི་དང་། སྤྱི་མཐུན་ཚོགས་པའི་བདེ་སྡུག་སྙན་སེང་། དེ་བཞིན་བོད་དོན་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུ་སླད་དུ་ཆེད་བཅར་ཞུས་པའི་སྐབས། ཁོང་རྣམ་པས་བོད་ཀྱི་རྒྱལ་དར་ཞིག་ཀྱང་འབུལ་ལམ་ཞུས་པར་སྤྱི་ཁྱབ་པ་སྐུ་ཞབས་(Tom Butt)མཆོག་གིས་བོད་ཀྱི་རྒྱལ་དར་འདི་རིང་མིན་བོད་མིའི་རང་དབང་སྒེར་ལངས་གསུམ་བཅུའི་དུས་དྲན་དང་བསྟུན་ནས་གྲོང་སྡེ་ལས་ཁུངས་ཀྱི་མདུན་དུ་བདུན་ཕྲག་གཅིག་རིང་སྒྲེང་འཛུགས་གནང་རྒྱུ་ཡིན་པ་གསུངས་འདུག།

གསར་འགོད་པ་དོན་གྲུབ་རྣམ་རྒྱལ།