ཐེ་ཝན་གྲོས་ཚོགས་ནང་བོད་དོན་རྒྱབ་སྐྱོར་ཚོགས་པ་བཙུགས་འདུག
2016.10.07
ཐེ་ཝན་གྲོས་ཚོགས་ཀྱི་སྐུ་མགྲོན་ཚོམས་ཆེན་ནང་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་དངོས་སུ་བཙུགས་པ་བསྒྲགས་སྐབས། ༢༠༡༦།༡༠།༧
མཐུན་འགྱུར་པར་རིས། Artemas Liu
ཐེ་ཝན་གྲོས་ཚོགས་ཀྱི་སྐུ་མགྲོན་ཚོམས་ཆེན་ནང་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་དངོས་སུ་བཙུགས་པ་བསྒྲགས་འདུག
དེ་ཡང་དེ་རིང་ཕྱི་ཚེས་༧་ཉིན་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་གྲོས་ཚོགས་འཐུས་མི་སྐུ་ཞབས་Lim་ཡིས། ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་གསར་འཛུགས་གནང་དགོས་དོན་སྐོར་གསལ་སྟོན་གནང་སྐབས། ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་ནི་ཐེ་ཝན་གྱི་སྲིད་དོན་ཚོགས་པ་འདྲ་མིན་གྱི་གྲོས་ཚོགས་འཐུས་མི་ལས་གྲུབ་པའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པ་ཞིག་ཡིན་པ་དང་། དེར་དངོས་སུ་ཕེབས་པའི་གྲོས་ཚོགས་འཐུས་མི་ཁོང་རྣམ་པས་ཐེ་ཝན་གྲོས་ཚོགས་སྐབས་སྔོན་མའི་ནང་བོད་དོན་རྒྱབ་སྐྱོར་ཚོགས་པ་གསར་འཛུགས་ཀྱི་ལས་གཞི་སྤེལ་གནང་ཡོད་པ་རེད། ད་རེས་སྐབས་གསར་པའི་གྲོས་ཚོགས་འཐུས་མིའི་ནུས་ཤུགས་གཅིག་ཏུ་བསྒྲིལ་ནས་བོད་དོན་ཁྱབ་སྤེལ་གྱིས་ཐེ་ཝན་ནང་བོད་སོག་ལས་ཁུངས་སྒོ་བརྒྱབ་རྒྱུའི་ལས་གཞི་མཇུག་སྐྱོང་ལ་སོགས་པ་དང་། དེ་བཞིན་རྒྱལ་སྤྱིའི་ཐོག་གི་གྲོས་ཚོགས་བོད་དོན་རྒྱབ་སྐྱོར་ཚོགས་པ་དང་མཉམ་ཞུགས་ཀྱིས་ལས་འགུལ་སྤེལ་ཐུབ་པ་གནང་རྒྱུ་སོགས་གསུང་ཡོད་པ་རེད།
ཡང་སྐུ་མགྲོན་གཙོ་བོ་ཐེ་ཝན་བོད་ཀྱི་སྐུ་ཚབ་དོན་གཅོད་ཟླ་བ་ཚེ་རིང་ལགས་ཀྱིས་ཐུགས་རྗེ་ཆེ་ཞུས་གནང་བ་དང་ཆབས་ཅིག་བོད་ཀྱི་གནད་དོན་ནི་རང་བཙན་དང་། དབུ་མའི་ལམ་གཅིག་པུའི་སྐོར་མིན་པར་གྲངས་ཉུང་མི་རིགས་ཆགས་འཇིག་དང་། མི་སེར་སྤེལ་ཡུལ་རིང་ལུགས། ཁོར་ཡུག འགྲོ་བ་མིའི་ཐོབ་ཐང་། ཆོས་དང་རིག་གཞུང་སོགས་མང་པོ་འདུས་ཡོད་པས་དེ་དག་ཚང་མ་མིའི་རིགས་ཀྱི་སྤྱི་ཚོགས་དང་འབྲེལ་བ་ཆགས་ཡོད་སྟབས་ཐུགས་གནང་གནང་ཡུལ་གྱི་གནད་དོན་མང་པོ་ཡོད་པའི་སྐོར་ངོ་སྤྲོད་གནང་ཡོད་པ་རེད།
དེ་མིན་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པ་ནས་ཆེད་དུ་གདན་འདྲེན་ཞུས་པའི་བོད་མི་མང་སྤྱི་འཐུས་བློ་བཟང་གྲགས་པ་ལགས་དང་། ཚེ་རིང་ལྷ་མོ་ལགས་ཀྱིས་བོད་མིའི་གནས་སྟངས་ངོ་སྤྲོད་དང་། བོད་དང་ཐེ་ཝན་ཕྱོགས་གཉིས་ཀའི་དཀའ་ངལ་གཅིག་མཚུངས་ཡིན་དུས་མཉམ་རུབ་གནང་རྒྱུ་གལ་ཆེ་བ་དང་། ཐེ་བོད་གྲོས་ཚོགས་དབར་འབྲེལ་ལམ་དམ་གཟབ་ཏུ་གཏོང་དགོས་གལ་གསུངས་རྗེས་བོད་དོན་ཐོག་རྒྱབ་སྐྱོར་གནང་བར་ཐུགས་རྗེ་ཆེ་ཞུས་གནང་ཡོད་པ་རེད།
གསར་དུ་བཙུགས་པའི་ཐེ་ཝན་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ནང་ཐེ་ཝན་མང་གཙོ་ཡར་ཐོན་ཚོགས་པ་དང་། དུས་རབས་ཀྱི་ནུས་ཤུགས་ཚོགས་པ། གོ་མིན་ཏང་ཚོགས་པ་བཅས་སྲིད་དོན་ཚོགས་པ་འདྲ་མིན་གྱི་གྲོས་ཚོགས་འཐུས་མི་༣༠་ཙམ་མཉམ་ཞུགས་ཐོག་མཚན་རྟགས་བཀོད་གནང་ཡོད་པ་དང་། ཚོགས་པའི་ངོས་ནས་མུ་མཐུད་ཚོགས་མི་མང་དུ་གཏོང་རྒྱུའི་འཆར་གཞི་ཡོད་པ་རེད།
གསར་འགོད་པ་སྟག་ལྷ་རྒྱལ་དང་དབྱངས་སྒྲོན།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག