རྒྱ་ནག་གིས་བོད་ནང་ཆུ་མཛོད་གློག་འདོན་ཁང་ཆེ་ཤོས་རྒྱབ་པ།
2015.10.13
ཡར་ཀླུངས་གཙང་པོའི་སྟེང་ཆུ་མཛོད།
AFP
རྒྱ་ནག་གིས་བོད་ཀྱི་ཡར་ཀླུངས་གཙང་པོའི་སྟེང་ཆུ་མཛོད་རྒྱབ་སྟེ་གློག་གི་ནུས་པ་འདོན་རྒྱུའི་ལས་འཆར་དེ་ད་ཆ་མཇུག་བསྒྲིལ་ཡོད་འདུག
དེ་ཡང་རྒྱ་ནག་གིས་བོད་ཀྱི་ཡར་ཀླུངས་གཙང་པོའི་སྟེང་ཆུ་མཛོད་རྒྱབ་སྟེ་གློག་གི་ནུས་པ་འདོན་རྒྱུའི་ལས་འཆར་དེ་ད་ཆ་མཇུག་བསྒྲིལ་ཡོད་པ་དང་། ཆུ་མཛོད་དེའི་ཐོག་ནས་གློག་གི་ནུས་པ་མཁོ་འདོན་བྱ་རྒྱུའི་ལས་འཆར་དེ་ནི་བོད་ནང་ཆུའི་ནུས་ཤུགས་རྒྱུད་དེ་གློག་གི་མཐུན་རྐྱེན་མཁོ་སྒྲུབ་བྱ་བའི་ལས་འཆར་ཆེ་ཤོས་གྲས་ཤིག་ཡིན་ལུགས་གློག་འདོན་ཆུ་མཛོད་ལས་འཆར་ཚོང་ལས་ཁང་གིས་དེ་རིང་གསལ་བསྒྲགས་བྱས་ཡོད་པ་རེད།
ཡར་ཀླུངས་གཙང་པོའི་སྟེང་གི་ཆུ་མཛོད་དེ་བཞིན་བོད་ཀྱི་རྒྱལ་ས་ལྷ་ས་ནས་རྒྱང་ཐག་སྤྱི་ལེ་༡༤༠འི་མཚམས་སུ་འཛུགས་བསྐྲུན་བྱས་ཡོད་ཅིང་། རྒྱ་ནག་ནང་ཆུ་མཛོད་འཛུགས་བསྐྲུན་བྱེད་མཁན་བཟོ་ལས་སྒྲིག་འཛུགས་ཆེ་ཤོས་ཀོ་ཀྲོའུ་པ་ཞེས་པས་དྲ་རྒྱའི་ཐོག་ལ་གནས་ཚུལ་སྤེལ་བར་གཞིགས་ན། ཡར་ཀླུངས་གཙང་པོིའི་སྟེང་གི་གློག་འདོན་ཆུ་མཛོད་དེའི་ཐོག་ཨ་སྒོར་ཐེར་འབུམ་གཉིས་མིན་ཙམ་བཏང་ཡོད་པ་རེད་ལ་ལས་འཆར་དེའི་ཐོག་མ་རྩ་འཛུགས་མཁན་ནི་རྒྱ་ནག་གི་གློག་ཤུགས་ནུས་པའི་ཁེ་ལས་ཚོང་ཚོགས་ཧ་ནེང་ཞེས་པ་དེ་ཡིན་པ་རེད།
རྒྱང་ཐག་སྤྱི་ལེ་༢༩༠༠བར་རྒྱུག་བཞིན་པའི་ཆུ་བོ་ཡར་ཀླུང་གཙང་པོ་བོད་ནས་ལྷོ་ཤར་བརྒྱུད་རྒྱ་གར་གྱི་བྱང་ཤར་མངའ་སྡེ་Arunachalནང་རྒྱུག་བཞིན་པ་དང་། དེ་ནས་བྷང་ལ་དེ་ཤི་བརྒྱུད་མཐར་རྒྱ་གར་གྱི་མཚོའི་ནང་འདྲེས་འགྲོ་བ་རེད།
རྒྱ་ནག་གིས་ཡར་ཀླུངས་གཙང་པོའི་སྟེང་གློག་གི་ནུས་པ་མཁོ་འདོན་ཆེད་དུ། ཆུ་རག་དང་ཆུ་མཛོད་མང་པོ་གསར་རྒྱག་བྱས་ཏེ་རྒྱ་གར་ནང་Brahmaputraཟེར་བའི་རྒྱུག་ཆུའི་ནུས་ཤུགས་ཆུང་དུ་གཏོང་ཉེན་ཡོད་པར། རྒྱ་གར་གྱི་ཕྱོགས་ནས་བློ་འཚབ་གསལ་སྟོན་ལན་མང་བྱས་ཡོད་པར་བརྟེན་བོད་ནས་རྒྱ་གར་ཕྱོགས་སུ་རྒྱུག་པའི་གཙང་པོའི་ཐོན་ཁུངས་སྲུང་སྐྱོབ་བྱ་རྒྱུའི་ཐད་ལ་རྒྱ་ནག་གཞུང་གིས་དོ་སྣང་ཆེན་པོ་སྤྲོད་ཀྱི་ཡོད་ལ་རྒྱ་གར་གྱི་འབྲེལ་ཡོད་བློ་འཚབ་ཐོག་ལ་རྒྱ་ནག་གི་ངོས་ནས་བསམ་གཞིགས་ཀྱིས་དེའི་ཐད་རྒྱལ་ཁབ་ཕན་ཚུན་གྱི་མཁས་དབང་ཁག་གི་དབར་འབྲེལ་བ་ཟབ་པོ་བྱེད་མུས་ཡིན་ཞེས་རྒྱ་ནག་གི་ཕྱི་སྲིད་ལྷན་ཁང་གི་མགྲིན་ཚབ་ཧཱ་ཁྲུན་ཡིང་གིས་དེ་རིང་བརྗོད་ཡོད་པ་རེད།
གསར་འགོད་པ་འབེན་པ་སྟོབས་རྒྱལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག