བྷེལ་ཇམ་གཞུང་གིས་བོད་ཀྱི་ཁོར་ཡུག་གི་གནད་དོན་ཐད་དོ་སྣང་བྱེད་བཞིན་ཡོད་གསུང་འདུག


2020.05.05
བྷེལ་ཇམ་གྲོས་ཚོགས་འཐུས་མི་སྐུ་ཞབས་(Samuel Cogolati)་ལགས། བྷེལ་ཇམ་གྲོས་ཚོགས་འཐུས་མི་སྐུ་ཞབས་(Samuel Cogolati)་ལགས།
tibet.net

བོད་ནང་གནམ་གཤིས་འགྱུར་ལྡོག་གི་རྐྱེན་པས་ཁོར་ཡུག་དང་ས་བཅུད་ལ་དོ་ཕོག་ཐེབས་བཞིན་པའི་གནད་དོན་ཐད་བྷེལ་ཇམ་གཞུང་གིས་ཐུགས་འཚབ་དང་བཅས་བོད་རང་སྐྱོང་ལྗོངས་ཀྱི་འབྲེལ་ཡོད་ཚོར་དེའི་སྐོར་གླེང་སློང་གནང་ཡོད་འདུག
དེ་ཡང་ཉེ་བའི་ཆར་བྷེལ་ཇམ་གྱི་ཕྱི་སྲིད་བློན་ཆེན་(Phillippe Goffin)་ལགས་སུ་གྲོས་ཚོགས་འཐུས་མི་དང་ཁོར་ཡུག་ཉམས་ཞིབ་ལས་དོན་ཚན་པའི་(Samuel Cogolati)་ལགས་ཀྱིས་བོད་ནང་གནམ་གཤིས་འགྱུར་ལྡོག་དང་འབྲེལ་བའི་ཐོག་ནས་ཁོར་ཡུག་དང་། ས་བཅུད་ཉམས་རྒུད་ཕྱིན་ཏེ་ཡུན་གནས་ཐུབ་པའི་ལས་གཞི་ཡར་རྒྱས་གཏོང་རྒྱུར་དོ་ཕོག་ཆེན་པོ་ཐེབས་བཞིན་པའི་གནད་དོན་ཐོག་ཐུགས་འཚབ་དང་བཅས་བཀའ་འདྲི་ཞུས་པའི་སྐབས་ཕྱི་སྲིད་བློན་ཆེན་མཆོག་གིས། ང་ཚོས་ཀྱང་གོང་ཞུས་གནད་དོན་དེ་ཚོའི་ཐོག་ལ་བློ་ཚབས་བྱེད་བཞིན་ཡོད། དེའི་ཐོག་ཕྱི་སྲིད་ལས་ཁུངས་དང་རྒྱ་ནག་ནང་ཡོད་པའི་གཞུང་ཚབ་ཁང་གཉིས་ཀའི་ངོས་ནས་རྟོག་ཞིབ་བྱེད་བཞིན་ཡོད་པ་མ་ཟད། སྔ་ལོའི་ལོ་མཇུག་ཏུ་བོད་རང་སྐྱོང་ལྗོངས་ཞེས་འབོད་པའི་སྐུ་ཚབ་ཚོགས་པ་བྷེལ་ཇམ་ནང་ལྟ་སྐོར་དུ་སླེབས་པའི་སྐབས་སུའང་གླེང་སློང་བྱས་ཡོད་ཅེས་བཀའ་ལན་གནང་ཡོད་འདུག
དེ་དང་ཕྱོགས་མཚུངས་ཕྱི་སྲིད་བློན་ཆེན་མཆོག་གིས་མཉམ་འབྲེལ་རྒྱལ་ཚོགས་ཀྱི་འབྲེལ་ཡོད་གླེང་སྟེགས་ཐོག་ལའང་རྒྱ་ནག་ལ་གནད་དོན་དེའི་ཐད་བློ་འཚབ་ཡོད་པའི་རྣམ་འགྱུར་བསྟན་ཡོད་ལ། གནས་ཚུལ་འདིའི་རིགས་ཕྱི་གསལ་ནང་གསལ་དགོས་རྒྱུའང་གལ་ཆེན་པོ་ཡིན་ལུགས་འགྲེལ་བརྗོད་བྱས་ཡོད་པ་གསུངས་འདུག
ཡང་ཁོང་གིས་མ་འོངས་པར་ཡང་རྒྱལ་སྤྱིའི་ཁོར་ཡུག་དང་གནམ་གཤིས་འགྱུར་ལྡོག་དང་འབྲེལ་བའི་གནད་དོན་གླེང་སྟེགས་སྐབས་སུའང་ཆེད་མངགས་བོད་ནང་གི་ཁོར་ཡུག་ཉམས་རྒུད་འགྲོ་བཞིན་པའི་གནད་དོན་ཐོག་གླེང་སློང་ངེས་པར་དུ་གནང་གི་ཡིན་ཞེས་ཀྱང་གསུངས་འདུག

བལྟ་བཤེར་མང་ཤོས་བྱས་པའི་གནས་ཚུལ།
RFA
བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎