དབྱིན་ཡུལ་ནང་གི་དྲག་ཟིང་གི་གནས་ཚུལ་ལ་ཐུགས་ཕམ།

༄༅༎བོད་མིའི་དབུ་ཁྲིད་༧གོང་ས་༧སྐྱབས་མགོན་ཆེན་པོ་མཆོག་ཡོ་རོབ་ཡུལ་ཁག་ཏུ་ཆིབས་བསྒྱུར་གནང་བའི་ཕེབས་ལམ་དུ་རྒྱ་གར་གྱི་རྒྱལ་ས་ལྡི་ལི་གསར་པའི་ནང་རེས་གཟའ་ལྷག་པའི་ཉིན་དབྱིན་ཇིའི་གཞུང་ཚབ་ཀྱི་ལས་མི་ཁག་ཅིག་དང་ཁྱུག་ཙམ་མཇལ་འཕྲད་གནང་སྐབས་༧གོང་ས་མཆོག་གིས་བཀའ་གནང་བར་དབྱིན་ཡུལ་དེ་བཞིན་ཁྲིམས་ལུགས་གཞི་བཟུང་ཞི་བདེ་ལྡན་པའི་ཡུལ་གྲུ་དེ་འདྲ་ཞིག་གི་ནང་ཉེ་ཆར་དྲག་ཟིང་གི་གནས་ཚུལ་ཐབས་སྡུག་དེ་འདྲ་བྱུང་བར་ཐུགས་ཕམ་བྱུང་ཚུལ་གསུང་ཡོད་པ་རེད།

དེའང་ཉེ་སྔོན་དབྱིན་ཡུལ་གྱི་དབུས་གྲོང་ཁྱེར་མེན་ཆེསི་ཀྲར་གྱི་ནང་ས་གནས་ཡུལ་མི་ཚོས་གཞུང་ལ་ངོ་རྒོལ་མཚོན་བྱེད་དུ་གྲོང་ཁྱེར་གྱི་ཐོག་བརྩེགས་ཅན་གྱི་ཚོིང་ཁང་སོགས་མེ་བསྲེགས་བཏང་བའམ་དེ་བཞིན་ཅ་དངོས་བརྐུ་འཁྱེར་བྱས་པ་སོགས་ཀྱི་སྐབས་ཉེན་རྟོགས་པས་མེ་མདའ་རྒྱབ་ཏེ་མི་གྲངས་༣་སྲོག་སྐྱོན་བཏང་བའི་གནས་ཚུལ་དེ་འདྲ་བྱུང་བ་ནི་ད་ཕན་དབྱིན་ཡུལ་ནང་བྱུང་མྱོང་མེད་པའི་ཐབས་སྡུག་གི་གནས་ཚུལ་ཆེ་ཤོས་ཤིག་ཏུ་གྱུར་ཡོད་པ་རེད་ འོན་ཀྱང་ད་ཆ་ཁུལ་དེ་གའི་ནང་དྲག་ཟིང་ལྷིང་འཇགས་ཀྱི་ལས་དོན་མངའ་གསོར་ཆུད་བཞིན་ཡོད་པའི་གནས་ཚུལ་ཐོན་བཞག།