༸གོང་ས་མཆོག་ལ་ད་ཡ་ལྦ་ཏི་བྱ་དགའ་ཕུལ་བ།

༄༅༎སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ད་ཡ་ལྦ་ཏི་མོ་དི་ཞེས་པའི་བྱ་དགའ་འབུལ་བཞེས་གནང་ཡོད་འདུག
དེ་ཡང་རྒྱ་གར་གྱི་སྙན་གྲགས་ཅན་གྱི་འབྱོར་པ་ཅན། མོ་དི་ཞེས་པའི་སྒྱུ་རྩལ་དང་། རིག་གཞུང༌། ཤེས་ཡོན་ལྟེ་གནས་ཁང་ནས་ལོ་འདིའི་ད་ཡ་ཝ་དི་མོ་དི་ཞེས་པའི་བྱ་དགའ་དེ་བཞིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཁ་ས་རྒྱལ་ས་ལྡི་ལིའི་ནང་འབུལ་བཞེས་གནང་ཡོད་པ་རེད། བྱ་དགའ་དེ་བཞིན་ལྕམ་ད་ཡ་ཝ་དི་དམ་པ་དེའི་རྗེས་དྲན་དུ་ཆེད་བཙུགས་གནང་བ་ཞིག་ཡིན་པ་དང་། ད་རེས་༸གོང་ས་མཆོག་ལ་ཕུལ་དགོས་དོན་སྐུ་ཚེ་ཧྲིལ་བུ། འཛམ་གླིང་ནང་འཚེ་མེད་ཞི་བའི་ལམ་དང་། བྱམས་བརྩེ་ཁྱབ་སྤེལ་གནང་བ་དང་། དྲང་བདེན་ལ་འཐབ་རྩོད་གནང་བཞིན་པའི་མཛད་རྗེས་ལ་ཕུལ་བ་ཡིན་ལུགས་གསུངས་ཡོད་པ་རེད། མཛད་སྒོའི་ཐོག་༸གོང་ས་༸སྐྱབས་མགོན་ཆེན་པོ་མཆོག་གིས། རྒྱ་གར་དང་རྒྱ་ནག་གཉིས་ནང་ལྐོག་ཟ་རུལ་སུངས་ཀྱི་གནས་སྟངས་ཇེ་མང་དུ་འགྲོ་གི་ཡོད་པར་ཐུགས་ཕམ་ཡོད་ལུགས་གསུངས་འདུག།