འཛམ་གླིང་ནང་དགའ་མོས་ཆེ་ཤོས་བྱ་ཡུལ་གྱི་གཙོ་འཛིན་གྲས།

༄༅༎ཨ་མི་རི་ཀའི་མི་མང་གི་དགོངས་འཆར་བསྡུ་ལེན་གནང་བའི་ནང་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་འཛམ་གླིང་གི་དབུ་འཁྲིད་ནང་ནས་མི་མང་གིས་དགའ་མོས་བྱེད་ཡུལ་གཙོ་བོའི་གྲས་ཤིག་ཡིན་པ་ཤེས་རྟོགས་བྱུང་ཡོད་པ་རེད་            ཨ་མི་རི་ཀའི་གསར་ཤོག་USA Todayཞེས་པ་དང་མི་མང་གི་བསམ་ཚུལ་བསྡུ་ལེན་གནང་མཁན་གྱི་ལས་ཁུངས་གེ་ལབ་པོལ་Gallup Pollཞེས་པས་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་འཛམ་གླིང་གི་དབུ་འཁྲིད་རྣམ་པའི་ཁོངས་ནས་མི་མང་གི་ཡིད་སྨོན་བྱེད་ཡུལ་གཙོ་བོའི་གྲས་གང་ཟག་བཅུའི་ནང་ཚུད་ཡོད་པ་རེད་

གོང་ཞུས་མི་མང་གི་བསམ་ཚུལ་བསྡུ་ལེན་དེའི་ནང་འཛམ་གླིང་གི་དབུ་འཁྲིད་རྣམས་པའི་ཁོངས་ནས་དང་པོ་དེར་དལྟའི་ཨ་རིའི་སྲིད་འཛིན་ཨོ་སྦ་མ་མཆོག་དང་དེ་རྗེས་སྲིད་འཛིན་ཟུར་པ་ཇོཇ་སྦུཤི་དང་སྦིལ་ཀི་ལིན་ཀྲེན་ ནེལ་སེན་མེན་ཌེ་ལ་ སྦིལ་གེཏ་སི་ པོཔ་སྦེ་ནེ་ཌིཀ་བཅུ་དྲུག་པ་དང་ཨ་རིའི་ནང་གི་ཡི་ཤུའི་ཆོས་ཀྱི་དབུ་འཁྲིད་སྦི་ལི་གེ་རེམ་དང་སྲིད་འཛིན་ཟུར་པ་ཇི་མི་ཁའར་ཀྲར་ དེ་རྗེས་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་གོང་ས་སྐྱབས་མགོན་ཆེན་པོ་མཆོག་རིམ་བཞིན་མཚན་ཐོན་བྱུང་ཡོད་པ་རེད་

ཡང་བུད་མེད་ཀྱི་དབུ་འཁྲིད་རྣམས་པའི་ཁོངས་དལྟའི་ཨ་རིའི་ལས་ཐོག་ཕྱི་སྲིད་དྲུང་ཆེ་ལྕམ་ཧི་ལ་རི་ཀི་ལིན་ཀྲེན་ལོ་ངོ་དགུའི་རིང་ཨང་རིམ་དང་པོར་སོན་ཡོད་པ་རེད་ ཨ་རིའི་མི་མང་གི་བསམ་ཚུལ་བསྡུ་ལེན་གྱི་ལས་དོན་དེ་ཕྱི་ལོ་༡༩༤༦ལོར་འགོ་འཛུགས་གནང་བ་ནས་བཟུང་ཨ་རིའི་ལས་ཐོག་སྲིད་འཛིན་དེ་མི་མང་གི་དགའ་མོས་བྱེད་ཡུལ་གཙོ་བོ་ཞིག་ཆགས་ཡོད་པ་རེད་ གོང་ཞུས་མི་མང་གི་བསམ་ཚུལ་བསྡུ་ལེན་དེ་འདི་ལོའི་ཕྱི་ཟླ་༡༢པའི་ཚེས་༡༠ནས་ཚེས་༡༢བར་མི་མང་གྲངས་༡༠༡༩ཡི་བསམ་ཚུལ་བསྡུ་ལེན་གནང་བ་ཞིག་དང་ཁོང་རྣམས་རང་ལོ་༡༨ཡན་ཡིན་པ་རེད་