རྒྱལ་སྤྱིའི་བྱིས་པའི་ཞི་བདེའི་ཞི་བདེའི་གཟེངས་རྟགས།

རང་འབྱུང་ཁོར་ཡུག་སྲུང་སྐྱོབ་དོན་གཉེར་ཅན་གྱི་བྱིས་པའི་ཁོངས་ནས་ཉེ་ཆར་གཟའ་པ་སངས་ཉིན་ཞི་བདེའི་གཟེངས་རྟགས་ཐོབ་མཁན་ Kehkashan Basu ཞུ་བས་ཨ་མི་རི་ཀའི་སྲིད་འཛིན་དུ་ངེས་པ་སྐུ་ཞབས་Donald Trump ཐེ་བའི་འཛམ་གླིང་གི་དབུ་ཁྲིད་མང་པོས་ཁོར་ཡུག་ཐད་དོགས་འཛིན་གྱི་དགོངས་ཚུལ་བཟུང་གི་ཡོད་རུང་དེ་ལྟར་ཡིན་མིན་ལ་མི་ལྟོས་པར་ཁོར་ཡུག་སྲུང་སྐྱོབ་དང་གནམ་གཤིས་འགྱུར་ལྡོག་ལ་ཁ་གཏད་གཅག་རྒྱུའི་ལས་འགུལ་ཐད་རེ་བ་དོར་རྒྱུ་ཡོད་མ་རེད་ཅེས་བརྗོད་ཡོད་པ་རེད། ཁོང་གིས་མུ་མཐུད་དེ་དེང་སང་གི་དུས་སྐབས་འདི་ངེས་གཏན་མེད་པའི་དུས་སྐབས་ཤིག་རེད། ཡིན་ནའང་དོགས་གཞི་ཅན་གྱི་མི་ཚོའི་བསམ་ཚུལ་ལ་ཡིད་ཆེས་མ་བྱས་པར་ གནམ་གཤིསའགྱུར་ལྡོག་དང་ ཁོར་ཡུག་སྲུང་སྐྱོབ་ཀྱི་
ལས་འགུལ་མཇུག་སྐྱོང་བྱེད་དགོས་ཀྱི་རེད་ཅེས་ངའི་ངོས་ནས་རྒྱ་ཆེའི་མང་ཚོགས་ལ་བཤད་ཀྱི་ཡོད་ཅེས་ཡོ་རོབ་ཀྱི་རྒྱལ་ཁབ་ Holland གྱི་གྲོང་ཁྱེར་Hague ནང་ཨེ་ཨེཕ་པི་གསར་ལས་ཁང་ལ་བརྗོད་ཡོད་པ་རེད། རང་འབྱུང་ཁོར་ཡུག་སྲུང་སྐྱོབ་དོན་གཉེར་ཅན་གྱི་བྱིས་པའི་ཁོངས་ནས་ Kehkashan Basu ཞུ་བའི་ན་ཆུང་བུ་མོ་དེར་ཉེ་ཆར་གཟའ་པ་སངས་ཉིན་སྙན་གྲགས་ཅན་གྱི་རྒྱལ་སྤྱིའི་བྱིས་པའི་ཞི་བདེའི་ཞི་བདེའི་གཟེངས་རྟགས་ཐོབ་ཡོད་པ་དང་། ཁོང་ནི་ཨ་རབ་ཀྱི་གྲོང་ཁྱེར་  Dubai ནང་རྒྱ་གར་གྱི་ཕ་མར་སྐྱེས་པའི་ལོ་ན་ ༡༦ ལ་སོན་པའི་ན་ཆུང་མ་ཞིག་ཡིན་པ་རེད། ཁོར་ཡུག་དང་གནམ་གཤིས་འགྱུར་ལྡོག་ཐད་ཀྱི་བྱིས་པའི་འདུ་ཛོམས་ཆེན་པོ་དེའི་ནང་འཛམ་གླིང་གི་རྒྱལ་ཁབ་ ༡༧ ཙམ་གྱི་དབུ་ཁྲིད་དང་ཚོང་ཚོགས་ཁག་གི་འགན་འཛིན་རྣམ་པ་ཁོར་ཡུག་དོན་གཉེར་ཅན་སོགས་ཀྱིས་མཉམ་ཞུགས་གོ་བསྡུར་གནང་ཡོད་པ་རེད།།
གསར་འགོད་པ་འབེན་པ་སྟོབས་རྒྱལ།