ཐེ་དབན་གྱིས་སྲུང་སྐྱོབ་སྔར་ལས་ཤུགས་ཆེ་རུ་གཏང་རྒྱུ།

༄༅༎ཐེ་དབན་གྱིས་རྩོད་གཞི་ཅན་གྱི་ལྷོ་རྒྱ་ནག་གི་རྒྱ་མཚོའི་གླིང་ཕྲན་ཐོག་ད་ཡོད་ཀྱི་སྲུང་སྐྱོབ་ཐོག་མེ་ཤུགས་འཕུར་མདེལ་ལྡན་པའི་གྲུ་འཛིངས་འགྲེམས་འཇོག་བྱས་ཏེ་སྲུང་སྐྱོབ་ཀྱི་ལས་དོན་སྔར་བས་ཤུགས་ཆེ་རུ་གཏང་རྒྱུའི་འཆར་གཞི་ཡོད་པ་རེད།

དེ་རིང་ཐེ་དབན་གྱི་སྲུང་སྐྱོབ་ལྷན་ཁང་གི་མགྲིན་ཚབ་པ་དྲེ་ལྦིདྲ་ལོ་ཞུ་བས་ཕེ་རན་སི་གསར་འགྱུར་ལས་ཁང་ལ་གསུངས་པར། ལྷོ་རྒྱ་ནག་གི་རྒྱ་མཚོའི་གླིང་ཕྲན་ཐོག་ཐེ་དབན་གྱི་མཚོ་འགག་སྲུང་སྐྱོབ་བྱེད་མཁན་ཚོར་དོན་རྐྱེན་ཛ་དྲག་འཕྲད་པའི་སྐབས་གདོང་ལེན་བྱ་ཐུབ་པའི་གོ་མཚོན་འདེངས་ངེས་མེད་པའི་ཉེན་ཁ་གཟིགས་ཀྱི་ཡོད་ཅེས་དང༌། ད་ལྟའི་འཆར་ནན་ཤ་དང་ཏུང་ཤ་གླིང་ཕྲན་དེ་གཉིས་ཐོག་ཐེ་དབན་གྱི་མཚོ་འགག་སྲུང་སྐྱོབ་བྱེད་མཁན་ཚོར་གོ་མཚོན་ནུས་ཤུགས་ལྡན་པ་ཞིག་མེད་སྟབས། ཐེ་དབན་ཕྱོགས་ནས། ཁོང་ཚོར་མེ་ཤུགས་འཕུར་མདེལ་ལྡན་པའི་གྲུ་འཛིངས་སམ་ཡང་ན་ལྕགས་འཁྲབ་འཁོར་ལོ་གང་ཞིག་འགྲེམས་འཇོག་བྱ་དགོས་མིན་འདེངས་ཀ་བྱ་རྒྱུ་སྤྲད་ཟིན་པ་ཡིན་ཞེས་གསུངས་ཡོད་པ་རེད། འོན་ཀྱང་ཁོང་གིས་གོ་མཚོན་གྲངས་ག་ཚོད་མཁོ་སྤྲོད་བྱ་རྒྱུ་ཡིན་མིན་དང༌། མཚོ་ཁ་སྲུང་སྐྱོབ་བྱེད་མཁན་ཚོས་གོ་མཚོན་གང་ཞིག་དགོས་མིན་འདམས་ཀ་བྱས་ཟིན་མིན་སྐོར་གང་ཡང་འགྲེལ་བརྗོད་གནང་མེད་པ་རེད།